Աիշվարայա Ռայը դարձավ 44 տարեկան. լուսանկարներ
Life
Բոլիվուդյան գեղեցկուհի, «Միսս աշխարհ 1994» տիտղոսակիր Այշվարիա Ռայը նոյեմբերի 1-ին դարձավ 44 տարեկան:
Այսօր նա նկարահանվում է ոչ միայն հնդկական, այլեւ հոլիվուդյան ֆիլմերում: Նրա յուրաքանչյուր նոր կերպար արժանանում է բազմաթիվ կանանց նմանակմանը: Թեեւ տարիներ են անցել այն օրվանից, երբ նա նվաճեց «Միսս աշխարհ» մրցույթի տիտղոսը, նրան մինչ օրս համարում են աշխարհի գեղեցկուհի:
NEWS.am STYLE-ը բազմիցս ներկայացրել է Այշվարիա Ռայի հմայիչ կերպարները. այսօր ձեր ուշադրությանը կներկայացնենք դերասանուհու հայտնի մտքերից մի քանիսը:
«Գեղեցիկ տեսքն ամեն ինչ չէ: Ես միշտ գեղեցիկ չեմ լինելու»:
«Իմ ընտանիքն իմ ուժն ու թուլությունն է»:
«Ես միշտ կարծել եմ, որ որոշ թեմաների շուրջ իմ լռությունը իմ ամենամեծ առավելություններից է»:
«Միշտ իմացել եմ, որ հաջողակ եմ լինելու: Այնպես որ՝ զարմանք չեմ ապրել դրանից»:
«Ես այն տեսակի մարդ չեմ, որն իր ձեռքբերումների մասին բարձրաձայնում է աշխարհով մեկ»:
«Դու հարուստ ես քո կենսափորձով»:
«Նախընտրում եմ լինել մարդ, ոչ թե շոու-բիզնեսից շատերի պես դառնալ մանեկեն»:
«Ես պարզապես մի մարդ եմ, որն իրեն միշտ հարմարավետ է զգացել սեփական կաշվի մեջ»:
«Ես ոչինչ իմ կյանքում չեմ ծրագրում: Անում եմ այն, ինչ ինձ հետաքրքրում է»:
«Ես հստակ գիտեմ, որ եթե կա մի դեր, որն ինձ համար է գրված, ապա ես դա կստանամ: Երբեք չեմ խնդրի, որ ինձ դեր տան»:
1
2
3
4
5
2
3
4
5
2
5
