Ինտրիգը սրվում է. Սերժ Սարգսյանի դիրքորոշումը

Առաջին / Պաշտպանության նախկին նախարար Սեյրան Օհանյանի տիկնոջ՝ Ռուզաննա Խաչատրյանի ֆեյսբուքյան գրառումը «խորհրդավոր» պաշտոնյայի մասին, որը, այսպես ասած, կողմնակի ճանապարհով ազատվել է բանակից, առաջացրել է բուռն քննարկումներ: Հնչում է պաշտպանության նախարար Վիգեն Սարգսյանի անունը, որից պարզաբանում է պահանջում ընդհուպ ԱԺ պատգամավոր, «Ելք» խմբակցության ղեկավար Նիկոլ Փաշինյանը: Իրավիճակը դառնում է իսկապես հետաքրքիր, և կարծես թե բացվում է ներքաղաքական որոշակի «փասիանս»:

Ակնառու է, որ Ազգ-բանակ հայեցակարգը Վիգեն Սարգսյանի, այսպես ասած, քաղաքական կարիերայի հենման կետը, պլատֆորմը լինելուն կոչված նախաձեռնություն էր, որը նաև ուներ հանրային լեգիտիմության մեծ հավանականություն՝ հաշվի առնելով ապրիլյան պատերազմը, դրանից հետո բացված իրողությունները: Մյուս կողմից՝ ակնառու է, որ հայեցակարգն ու դրա շրջանակում արվող նախաձեռնությունները դառնում են Վիգեն Սարգսյանին ուղղված քաղաքական հարվածաշարի, այսպես ասած, հենակետ: Ռուզան Խաչատրյանի ֆեյսբուքյան գրառումն այդ շարքի՞ց է, թե՞ ոչ՝ իհարկե դժվար է ասել: Այսինքն՝ Խաչատրյանը քաղաքակա՞ն խնդիր է շոշափել, թե՞ պարզապես փորձել է, այսպես ասած, խթանել ինտրիգը, զուտ կողմնակի հետաքրքրությունից, իսկ գուցե նաև, այսպես ասած, նախկին «գերատեսչական» շահերից ելնելով՝ հաշվի առնելով, որ Վիգեն Սարգսյանն այդ պաշտոնում փոխարինել է ամուսնուն՝ Սեյրան Օհանյանին:

շարունակությունը՝ կայքում