· Մեկ բաժակ ջրում լուծել մեկ ճաշի գդալ կիտրոնի հյութ, մեկ ճաշի գդալ բժշկական սպիրտ և մեկ թեյի գդալ աղ, այնուհետև մաքրել պարանոցի մաշկը և բամբակով քսել լուծույթը մաշկին: Երբ մաշկը մի փոքր չորանա, առանց լվանալու, մատների ծայրերով քսել մի փոքր սնուցող քսուք: Կատարել պրոցեդուրան շաբաթական 3 անգամ և մեկ ամիս անց դրական արդյունքն արդեն ակնհայտ կլինի:
· Եթե կզակի ու պարանոցի մաշկը կորցնում է առաձգականությունը, անհրաժեշտ է մի քանի շերտ ծալված բինտը թրջել աղաջիր մեջ (1 թեյի գդալ աղը լուծել 1 բաժակ ջրում) և դնել մաշկին: Վրայից հարկավոր է վիրակապել չոր բինտով և թողնել կես ժամ: Կատարել այս պրոցեդուրան շաբաթական 2 անգամ: Այս կոմպրեսը շատ լավ ձգում է մաշկը և վերականգնում առաձգականությունը:
· Պարանոցի մաշկի համար շատ օգտակար է նաև ծովի աղը, ուստի հնարավորության դեպքում հարկավոր է հանգստանալ ծովափին:
· Պատրաստել թթխմոր, ձգել այն և 30 րոպե դնել պարանոցին: Այս դիմակը շատ լավ ձգում է մաշկը: Այն հարկավոր է դնել 2 օրը մեկ քնելուց առաջ: Ամբողջ կուրսը տևում է մեկ ամիս: Այս դիմակից հետո ձիգ մաշկը կպահպանվի կես տարի, որից հետո հարկավոր է կրկնել պրոցեդուրաները: Այս մեթոդը կիրառելի է նաև դեմքի մաշկի համար:
· Պարանոցի ծալքերից կօգնի ազատվել մեկական թեյի գդալ ձիթայուղով ու գլիցերինով կարտոֆիլի տաք խյուսը: Այն հարկավոր է լցնել կտորի վրա, դնել պարանոցին և վրայից ծածկել թաղանթով ու տաք կտորով: Կոմպրեսը հարկավոր է թողնել 15-20 րոպե, այնուհետև լվանալ տաք ջրով: Ընդամենը մի քանի պրոցեդուրան հնարավորություն կտա ազատվել բոլեր ծալքերից:
1
2
3
4
5
2
3
4
5
2
5
