«Չեմ տեսել մեկին գնդակահարեն։ Որդուս էլ են քցել». ՀՀԿ-ական պատգամավոր

News.am-ը գրում է․

Հանրապետական կուսակցության պատգամավոր Համլետ Հարությունյանը ամեն անգամ զարհուրում է, երբ Վերահսկիչ պալատի նախագահը զեկուցում է իրենց ստուգումների արդյունքում արձանագրած չարաշահումների ու յուրացումների մասին, բայց դեռ չի տեսել, որ մեկին պատժեն կախաղան բարձրացնելով կամ գնդակահարելով:

Նա ասաց, որ այդ թողտվության պատճառը մեր երկրի հումանիստական օրենսդրությունն է:

«Նորանշանակ վարչապետը շատ բան ունի անելու, բավականին շատ գործեր կան, օրինակ պետք է պայքար մղի օլիգարխայի, կոռուպցիայի, կաշառակերության, պետական բյուջեի թալանի դեմ, որովհետեւ երբ Վերահսկիչ պալատի նախագահը հանդես է գալիս Ազգային ժողովում, մարդ զարհուրում է, բայց ես հլա չեմ տեսել, որ մեկին գնդակահարեն, կախաղան բարձրացնեն։ Օրենքի հումանատիր վերաբերմունքը այդպիսի մարդկանց նկատմամբ թողտվություն է ստեղծել»,-դժգոհեց իշխանության ներկայացուցիչը:

Անդրադառնալով նորանշանակ վարչապետի այն հայտարարությանը, որ տնտեսությունը շատ ծանր վիճակում է, Համլետ Հարությունյանն ասաց. «Մեր տնտեսությունը շատ վատ վիճակում է։ Երբ անկախություն ձեռք բերեցինք, 1991-ից սկսած տնտեսական անկում ունեցանք, ինչը գնալով վայրէջքներ ու վերելքներ ունեցավ, անգամ ամենալավ ժամանակը, որ տնտեսական աճ ենք ունեցել, այն ժաանակ էլ լավ չի եղել մեր տնտեսության վիճակը: Կարեն Կարապետյանը հիմա փորձելու է դուրս գալ այդ վիճակից: Նա համակարգը կարող է փոխել, այսօր համակարգային փոփոխություների սկիզբն է: էլ չեմ ասում դատական համակարգում տիրող խայտառակ վիճակի մասին, չե՞ն կարող առանց հեղափոխությունների այդ դատավորներին կարգի հրավիրեն»,-նշեց պատգամավորը` ընդգծելով, որ ինքն էլ է անարդար դատական համակարգի զոհը:

Իր խոսքով որդուն «քցել են», դիմել է դատարան, սակայն վճիռը եղել է «քցողի» օգտին, եւ պատգամավորը այժմ պատարստվում է դիմել Եվրադատարան