էքստրավերտ ես, թե ինտրովերտ. հոգեբանական թեստ
Life
|
Շվեյցարացի գիտնական Կարլ Յունգի «Հոգեբանական տիպերը» գրքում հոգեբանական բնութագրման նպատակով առաջին անգամ գործածվեցին «էքստրավերտ» (բառացի թարգմանությամբ՝ արտաքին ուղղվածություն ունեցող) եվ «ինտրավերտ»(ներքին ուղղվածություն ունեցող) հասկացությունները:
 Գիտնականի նկարագրության համաձայն էքստրավերտները ձգտում են ընդլայնել գործնական շփումները, օգտագործել բոլոր հնարավորությունները: Ինտրավերտներն, ընդհակառակն, սահմանափակում են շփումները, ինքնամփոփ են, ավելորդ ծախսեր թույլ չեն տալիս, պահպանում են ուժերը:
Հաշվի առնելով էքստրավերտներին եվ ինտրավերտներին բնորոշող հետեվյալ հիմնական ասպեկտները՝ փորձեք պարզաբանել, թե այդ երկու հիմնական հոգեբանական տիպերից որին եք պատկանում անձամբ դուք:
 Դուք էքստրավերտ եք, եթե.
1. Մեկ օրում առանց դժվարության կարող եք դիտել 2 ֆիլմ, համերգ, բեմականացում եվ այլն, նշանակել միանգամից մի քանի հանդիպումներ եվ հասցնել իրագործել միայն դրանցից մեկ-երկուսը:
2. Ձեր մտերիմների, ծանոթների թվաքանակն օրըստօրե ավելանում է:
3. Ձեր տրամադրությունը փչանում է, երբ հեռուստացույցն ու ռադիոընդունիչը չեն աշխատում: Դուք Ձեզ միայնակ եք զգում, աշխարհից կտրված, եթե անջատում են հեռախոսը:
4. Հեշտությամբ հիշում եք դեմքերը, դեպքերը, կենսագրությունները, սակայն դժվարությամբ եք մտապահում բանաձևերն ու այլոց դատողությունները:
5. Սիրում եք ուտել, զվարճանալ որևէ ընկերախմբում: Խուսափում եք մենակությունից: Պատկանում եք կենսախինդ մարդկանց թվին եվ շփումներ եք փնտրում Ձեր նմանների հետ՝ խուսափելով ինքնամփոփ մարդկանցից:
6. Սիրում եք նմանակել ուրիշներին, անեկդոտներ, զվարճալի պատմություններ պատմել: Ունեք թեթև բնավորություն:
7. Սիրում եք ճառեր, կենացներ ասել: Ընկերախմբում սիրում եք միշտ ուշադրության կենտրոնում լինել:
8. Գիտեք ինչ, որտեղ եվ երբ անել:
9. Արագ շփման մեջ եք մտնում անծանոթ մարդու հետ եվ հեշտությամբ կողմնորոշվում եք նոր միջավայրում, առանց արտասովոր դժվարությունների դուրս եք գալիս բարդ իրավիճակներից:
10. Արագ որոշումներ եք կայացնում, ընդունակ եք ռիսկի դիմել, որը գրեթե միշտ արդարացվում է: Գործուղումները ձեզ համար զվարճանալու միջոց են և դուք դրանք հաճույքով եք ընդունում:
11. Յուրաքանչյուր կոնկրետ իրավիճակում գնահատում եք՝ ինչ ձեռնարկել, եվ գործում եք կախված իրավիճակից:
12. Միշտ բազմաթիվ ծրագրեր, առաջադրանքներ, պրոբլեմներ ու գաղափարներ ունեք, սակայն իրականում ի վիճակի եք իրագործել դրանց մի մասը միայն:
13. Չեք հասկանում և չեք կարեկցում մարդկանց, որոնք անդադար դժգոհում են իրենց առողջությունից:
14. Ձեզ հետաքրքրում է, թե ինչ տպավորություն եք թողնում շրջապատողների վրա:
 Դուք ինտրավերտ եք, եթե. 1. Անգամ շատ չնչին իրադարձությունը բավական է, որպեսզի կասեցնեք կարևոր որոշման կայացումը:
2. Երբեմն մի ներկայացումը կամ համերգը Ձեզ բավարարում են ողջ ամսվա ընթացքում:
3. Հաճախ եք տրվում հիշողություններին:
4. Սակավաթիվ ընկերներ ունեք: Դժվարությամբ եք մտերմանում մարդկանց հետ:
5. Ավելի հեշտությամբ հիշում եք հիմնական գաղափարները, քան մանրամասները:
6. Գերադասում եք գործ ունենալ փոքրաքանակ, սակայն նախապես մշակված ինֆորմացիայի հետ, քան վերահսկել հաղորդագրությունների ամբողջ հոսքը:
7. Չեք սիրում իրարանցումը, բարձր երաժշտությունը, աղմկոտ ընկերախմբերը:
8. Քիչ քանակությամբ իրեր ունեք, սակայն դրանք կազմում են Ձեր ամբողջության մասնիկը:
9. Սիրում եք լուսանկարվել:
10. Սիրում եք մենակ ուտել: Ձեզ ավելի ազատ եվ անկաշկանդ եք զգում տնային միջավայրում: Խուսափում եք անծանոթ ընկերախմբերից:
11. Դժվարությամբ եք հարմարվում նոր միջավայրին, կոլեկտիվին, իրավիճակին...
12. Սկզբունքային մարդ եք եվ ձգտում եք խստորեն հետեվել ձեր սկզբունքներին:
13. Հետեվողական եք ձեր առողջության նկատմամբ, գտնում եք, որ ավելի լավ է ավելորդ անգամ պրոֆիլակտիկ նկատառումներով դեղահաբ ընդունել, քան հետո բուժել հիվանդությունը:
14. Երբեմն Ձեզ ասում են, որ որոշ հարցերի հարկավոր է ավելի թեթև վերաբերվել, սակայն Դուք այդ կարծիքին չեք:
 Հաշվարկելով դրական պատասխանները՝ կարող եք եզրակացություն կատարել, թե Յունգի առանձնացրած հոգեբանական տիպերից որն է ձեզ առավել բնորոշ:Եթե և «էքստրա» և ինտրա» դեպքերում դրական պատասխանների թվաքանակը նույնը լինի, ուրեմն` դուք երրորդ տիպին եք պատկանում, որը կոչվում է «ամբավերտ»:
Ի դեպ, մարդկանց մեծամասնությունը հենց այս վերջին
տիպին է համապատասխանում:
|
1
2
3
4
5
1
2
3
4
5
1
3
4
5
