Նախկին սիրուհին տղային մեղադրել է, որ վերջինս 200 անգամ իրեն բռնաբարել է քնած ժամանակ
Աշխարհ
Գլազգոյում Լոուրենս Բարիլին դատարանի առաջ է կանգնել սիրուհուն բազմիցս բռնաբարելու մեղադրանքով: 35-ամյա կինը պնդում է, որ Լոուրենսը հարյուրավոր անգամներ գիշերներն իրեն բռնաբարել է և առավոտյան այդ մասին ոչինչ չի հիշել: Բռնաբարությունները տևել են մեկ տարի՝ 2011 թ. սեպտեմբերից 2012 թ. հոկտեմբերին, հայտնում է Daily Mail-ը:
«Ես արթնացա նրանից, որ նա սեքսով էր զբաղվում ինձ հետ: Ես իսկապես չգիտեի՝ ինչ մտածել: Ես կարծեցի, որ նա փորձում է շունչ տալ մեր հարաբերություններին»,- ասում է կինը:
35-ամյա Բարիլին չի հերքում բռնաբարությունների փաստը, բայց պնդում է, որ դրանք կատարել է հազվադեպ հոգեկան հիվանդության՝ սեքսոմնիայի ազդեցության տակ: Այդ խանգարումը լուսնոտության տեսակ է, դրանով տառապող մարդիկ սեքսով են զբաղվում քնած ժամանակ:
Լոուրենսի նախկին սիրուհին խոստովանում է, որ տղամարդն իրեն զգուշացրել է իր առանձնահատկության մասին: Սակայն կինը պատրաստ չի եղել բռնաբարություններին, որոնք «տեղի են ունեցել մոտ 200 անգամ»: Բռնաբարությունների մեղադրանքներին միացել է Լոուրենս Բարիլիի նախկին ընկերուհին, ում հետ նա հանդիպել է 2008-2010 թթ.: Նրա գործով դատավարությունը շարունակվում է:
1
2
3
4
5
1
2
4
5
1
2
3
5
