Սերժ Սարգսյանը կմնա ևս 7 տարի՞

Առաջին / Սերժ Սարգսյանը հոկտեմբերի 24-ին այցելելով ՊՆ Պաշտպանական ազգային հետազոտական ինստիտուտ՝ հայտարարել է, որ հանձնարարել է մշակել հայկական բանակի արդիականացման յոթամյա ծրագիր՝ 2018-25 թվականների համար: Այն, որ հայկական բանակն ունի արդիականացման կենսական անհրաժեշտություն, աներկբա է, ինչպես նաև անվիճելի է Սարգսյանի հայտարարության այն դրույթը, որ արդիական բանակ ունենալու նախապայման է արդիական պետություն ունենալը: Սակայն Սարգսյանի այդ հայտարարությունները «խլանում» են մեկ այլ ձևակերպման մեջ, որ նա թույլ է տվել բանակի արդիականացման յոթամյա ծրագրի մասին խոսքի շրջանակում:

«Այդ ծրագիրը պետք է իրականություն դարձնենք համատեղ ուժերով՝ ես, որպես գլխավոր հրամանատար, պաշտպանության նախարարը, զինված ուժերի հրամանատարական կազմը, մեր զինվորները և ողջ հասարակությունը», հայտարարել է Սերժ Սարգսյանը:

Ուշադրության արժանին է այն, թե Սարգսյանն իրեն ինչ կարգավիճակ է վերապահում բանակի արդիականացման ծրագրի իրականացման գործընթացում՝ գլխավոր հրամանատար: Մինչդեռ, հիշենք, խոսքը յոթամյա ծրագրի մասին է, իսկ Սերժ Սարգսյանին ներկայումս Գերագույն գլխավոր հրամանատարի պաշտոնում աշխատելու համար մնացել է մոտ 7 ամիս, որից հետո նա պետք է թողնի պաշտոնը: Սերժ Սարգսյանն, իհարկե, այդ պարագայում էլ կարող է լիովին մնալ որպես ծրագրի իրականացման պատասխանատուներից մեկը, այս դեպքում իբրև իշխող կուսակցության նախագահ: Սակայն բանն այն է, որ Սարգսյանը խոսելով իր պատասխանատվության մասին՝ ծրագրի իրականացման համար, օգտագործում է «որպես գլխավոր հրամանատար» ձևակերպումը: Բայց այստեղ ամեն ինչ չէ, որ հարթ է այն համատեքստում, թե Սարգսյանը նկատի ունի վարչապետի պաշտոնն ու առաջին անգամ բավական թափանցիկ ակնարկում է այդ մասին:

շարունակությունը՝ կայքում