«Իմ նման մարդիկ շատ են պետք էս երկրին»․ Տիգրան Արզաքանցյան
Քաղաքականություն«Ես ո՛չ հիասթափված եմ գնացել, ոչ էլ նեղացած։ Ես իմ աշխատանքը կատարել եմ ու գնացել եմ։ Իսկ իմ ցուցանիշները բավարար էին»,- «Առաջին լրատվական»-ի հետ զրույցում ասաց ԱԺ նախկին պատգամավոր, գործարար Տիգրան Արզաքանցյանը, ով խորհրդարանական ընտրություններին ՀՀԿ ռեյտինգային ցուցակով առաջադրվել էր Գեղարքունիքի մարզում, սակայն բավական քիչ ձայներ հավաքեց։ Գավառցիներին անվանելով ցիգաններ, որոնք գումարի դիմաց վաճառել էին իրենց ձայնը, Արզաքանցյանը ընտրություններից մի քանի օր անց հեռացավ Հայաստանից։ Արզաքանցյանը համարում է, որ մեկ է՝ ինքն էլ է ստացել առավելագույն ձայներ, և դա իրեն բավարարում է։ «Ոչ մեկի վրա էլ մեղք չեմ կարա դնեմ ու ասեմ՝ սենց եղավ։ Թեկնածուները շատ էին, կուսակցությունները շատ էին, ոչ մեկին չես կարա մեղադրես»,- ասաց Արզաքանցյանը։
Նա նշեց, որ նեղացած չէ նաև ՀՀԿ-ից, առ այսօր շատ լավ հարաբերություններ է պահպանում կուսակցության հետ, «ինչով կարողանում՝ օգնում է»։ «Ես էդ բաները հաշվի չեմ առնում, քաղաքականության հետ ոչ մի բան չեմ կապում։ Հին ասացվածք կա՝ ով ինչ անում է, իրան է անում։ Ես հիմա շատ ուրախ եմ, որ իմ համար արել եմ, կայացել եմ, հպարտ եմ իմ կյանքի արդյունքներից, որ կարացել եմ համ ինձ կայացնեմ, համ էլ իմ հայրենիքին եմ մի բանով պետք եկել։ Ինձ նման բարերար, գործարար մարդիկ շատ են պետք էս երկրին»,- ասաց Արզաքանցյանը։
1
2
3
4
5
1
2
4
5
2
4
