Վերջին պահերին խցում ում հետ է եղել Լևոն Հայրապետյանը

Հրապարակ / Րոպեներ առաջ ինձ զանգեց մի կին, ով շատ հուզված էր ու լաց էր լինում։ Իմացա, որ նրա մոտ հարազատը Լևոն Հայրապետյանի հետ նստած է եղել նույն խցում։

Չէր հանգստանում, անընդհատ ասում էր՝ տղաս հա՜յր կորցրեց․․․

-Ես զանգել եմ , որ ձեզ մխիթարեմ, ողջ հայ ազգին մխիթարեմ, ասեմ, որ հանգիստ խաղաղ եղեք՝ Լևոնը եղել է հուսալի ձեռքերում։ Նույն խցում նրա հետ նստած են եղել երկու հայ երիտասարդներ, ովքեր Լևոնին հոր պես խնամել, սիրել, գուրգուրել են։ Շատ են գրում, որ Լևոնը անտեր է եղել, նման բան խնդրում եմ չասե՜ք․․․Տղաները Լևոնի պահապան հրեշտակներն են եղել։ Անգամ ես Երևանից քաղցրի չրեր էի պատրաստում, մեր տղան էր խնդրում, հասցնում գաղութ։ Ասում էր՝ Լևոնը շաքար ունի, հանկարծ քաղցրով չպատրաստես։ Գիտեի, որ նրա հարազատներն անչափ ուշադիր են, հոգատար, ամեն ինչ անում են, բայց ես էլ իմ փոքրիկ լուման էի ուզում ներդնել։ 

- Որտե՞ղ էր գաղութը։

- Այն գտնվում է Մորդովայի Յուգո Պալյանսկի մարզում։ Այդ ուղղիչ տունն անվանում էին «Կարմիր գաղութ», այն առումով, որ այդտեղ ոստիկանությունն էր վերահսկողություն անում, գողական բարքեր չկային։ Բայց ասեմ, որ արտաքին աշխարհի հետ ոչ մի կապ․ ոչ հեռուստացույց, ոչ ինտերնետ։ Չգիտեին՝ դրսում ինչ է կատարվում։ Լևոն Հայրապետյանն ինձ ասաց՝ կգնաս Գանձասար ու կտեսնես փեսայիս։

Երբ վերադարձա, գնացի։ Գնացի իր փայտամշակման գործարանը, որտեղ «մժեղի պես աշխատում էին»։

շարունակությունը՝ կայքում