Կրծքով կերակրելու հարցն ԱԺ-ում է
Բաց մի թողեք
«ՀԺ» / ՀՀ ԱԺ առողջապահության եւ սոցիալական հարցերի մշտական հանձնաժողովը երկու օր առաջ քննարկել է «Երեխաներին կրծքով կերակրման խրախուսման եւ մանկական սննդի շրջանառության մասին» ՀՀ օրենքի կիրառման մոնիթորինգի մասին հարցը: Քննարկմանը մասնակցել են առողջապահության նախարարության աշխատակիցներ, հասարակական եւ միջազգային կազմակերպությունների ներկայացուցիչներ:
Մոր եւ մանկան առողջության հայկական դաշինքի խորհրդի անդամ Սուսաննա Հարությունյանը տեղեկացրել է, որ կազմակերպությունը Երեւանում եւ հանրապետության մի շարք մարզերում 2016 թվականին իրականացել է «Երեխաներին կրծքով կերակրման խրախուսման եւ մանկական սննդի շրջանառության մասին» ՀՀ օրենքի կիրառման մոնիտորինգ եւ բացահայտել օրենքի կիրառման մի շարք խախտումներ:
«Օրենքն արգելում է մանկական սննդի ցանկացած գովազդն ու խրախուսումը, կաթ արտադրող ընկերությունների կողմից կազմակերպված կոնֆերանսները, դրամական հատկացումները, բուժհաստատություններին որեւէ սարքավորում տրամադրելը»,- ասել է Սուսաննա Հարությունյանը:
Վերջինս նշել է, որ մոնիթորինգի ընթացքում դիտորդներն օրենքի խախտումներ են արձանագրել ծննդատներում, մանկական հիվանդանոցներում, պոլիկլինիկաներում, դեղատներում, ինչպես նաեւ՝ մանկական սննդի եւ հարակից ապրանքների պիտակներին:
«Արձանագրված խախտումների հիման վրա պետք է կիրառել օրենքով նախատեսված պատժամիջոցները, արգելել առանց համապատասխան պիտակավորման մանկական սննդի եւ հարակից ապրանքների իրացումը»,- ասել է նա:
1
2
3
4
5
1
2
3
4
5
1
3
4
5
