Թանկացումների պատճառը. ձևը գտել են

«Լրագրի» զրուցակիցն է «Ծառուկյան» խմբակցության պատգամավոր Վարդան Բոստանջյանը․

Պարոն Բոստանջյան, վերջին շրջանում նկատելի գնաճ է արձանագրվել Հայաստանում. Կտրուկ բարձրացել են մսի, կարագի, նաև բենզինի գները։ Ինչո՞վ է դա բացատրվում։

Շարունակաբար գնաճը միշտ էլ եղել է։ Մեր վիճակագրական ծառայությունը սովորաբար առաջին անհրաժեշտության ապրանքների մասին է խոսում իբր գնաճը թաքցնելու համար, բայց գնաճը շարունակաբար տեղի է ունենում։ Եթե անգամ մենք չուսումնասիրենք այդ ամբողջը, մենք ինքներս՝ հասարակ քաղաքացիներս, դա տեսնում ենք։ Բացի գնաճից, եթե մենք որակական հետազոտություններ իրականացնենք, կտեսնենք, որ ապրանքների որակական հատկություններն էլ են նվազում։ Իսկ դա նշանակում է, որ ավելի մեծ գնաճ գոյություն ունի, քան մենք տեսնում ենք։ Բոլոր դեպքերում աշխատում է առաջարկ-պահանջարկի օրենքը։ Փաստորեն բոլոր այդ ապրանքները, որոնք թանկանում են, դրանց նկատմամբ պահանջարկը մեծանում է։ Հիմա դա օրինական կամ ոչ օրինական եկամուտների հետ է կապված, թե շուկայի փոքրության հետ, բայց գնաճը տեղի է ունենում։ Այսինքն, ապրանք իրացնողներն, ըստ էության, կարողանում են գտնել այն գինը, որն իրենց համար ամենաշահավետն է։ Այսինքն այն ապրանքների քանակը, որ որոշակի գնով նրանք նետում են շուկա, դրա համար սպառող կա և պահանջարկ կա։ Պահանջարկի աճին զուգահեռ իրենք բարձրացնում են գները։ Ես ուզում եմ մտածել, որ հենց նման գործընթացի ականատես ենք։

Բայց ոչ թոշակները, ոչ աշխատավարձները չեն բարձրանում, որտեղի՞ց է աճում պահանջարկը։

Ես հենց դա եմ ասում. տնտեսագիտական առումով ապրանք ներկրողները, եթե որոշակի ծավալով ապրանք են նետում շուկա, այդ ծավալի վերաբերյալ պահանջարկը գնալով մեծանում է։ Պարտադիր չէ, որ դա տեղի ունենա բացառապես թոշակառուների և աշխատավարձ ստացողների միջոցով։ Ես չեմ կարող ասել այդ պահանջարկ ձևավորող եկամուտներն օրինական են, թե ոչ, բայց ակնհայտորեն շուկայում պահանջարկ է աճում, որն էլ բերում է գների բարձրացման։ Եթե այդ պահանջարկը չլիներ, որևէ պարագայում գնաճ տեղի չէր ունենա։

շարունակությունը՝ կայքում