«Այս պահին ես որևէ վերահաս վտանգ չեմ տեսնում». Արփինե Հովհաննիսյան
ՔաղաքականությունԵս միշտ բարձրաձայնել են դատական իշխանության անկախության խնդիրը, դրանում առկա թերությունները, բայց չեմ կարող հասկանալ պնդումները, որոնք դեռ սաղմնային վիճակում քննադատության թիրախ են դարձնում սահմանադրական կարգավորումները: Այդ մասին «Առաջին լրատվական»-ի հետ զրույցում նշել է ԱԺ փոխնախագահ Արփինե Հովհաննիսյանը:
«Չեմ հասկանում այդ պնդումները, որովհետև դրանք դեռ չեն գործում, դեռ ուժի մեջ էլ չեն մտել: Մենք նույնիսկ չգիտենք, թե ինչպես է ձևավորվելու բարձրագույն դատական խորհուրդը, ովքեր են լինելու, ԱԺ-ն ում է ընտրելու, ինչպես է գործելու»,- ասաց նա:
ԱԺ փոխնախագահը կարծիք հայտնեց, որ նոր Սահմանադրությամբ պարարտ հող է ստեղծված, որ դատական իշխանությունը լինի ավելի անկախ, քան այսօր է. «Դրա համար կան ստեղծված հիմքեր, իսկ թե որքանով դրանք կգործեն, կախված է շատ բաներից՝ ԱԺ-ից, ներկայացված թեկնածուներից, հետագա կարգավորումներից և այլն»:
Հարցին, թե իշխանության անցման տեսակետից Սահմանադրությունն ինչ ռիսկեր է պարունակում, Արփինե Հովհաննիսյանը պատասխանեց. «Այս պահին ես որևէ վերահաս վտանգ կամ սպառնալիք չեմ տեսնում, ամեն ինչ ընթանում է իր սովորական հունով, ապահովված են նաև իրավական անվտանգության տեսանկյունից դետալային կարգավորումները: Ամենակարևորը իրավական անվտանգության ճգնաժամ չստեղծելն է»:
Տեսակետին, թե շուտ էր Հայաստանի համար խորհրդարանական համակարգի անցումը, Արփինե Հովհաննիսյանն ասաց. «Առհասարակ միշտ կարելի է ասել, սա շուտ էր, մյուսն ուշացած էր, այս կարծիքները միշտ լինելու են: Ես մարգարեությամբ չեմ կարող զբաղվել, իմ տպավորությամբ՝ այդ իրողություններն սկսել են իրենց օրինաչափ ընթացքը: Այս պահին անցումային փուլում ենք, որը պետք է անցնենք»:
Ինչ վերաբերում է խորհրդարանական անցած ընտրություններին, ԱԺ փոխնախագահն ասաց. «Ադեկվատ չի լինի իրավիճակին, եթե պնդեմ, որ ընտրություններն անցել են առանց խախտումների, ամեն ինչ եղել է իդեալական: Այո, եղել են խնդիրներ, բայց ժողովրդի կամքի արտահայտման հետ կապված հստակ է բոլորի գնահատականը»:
1
2
3
4
5
1
2
4
5
2
4
