«Ծառուկյան» դաշինքի պատգամավորների դիրքորոշումն արտացոլում է հանրության կարծիքը
Հասարակություն
Որքան մոտենում է ժամանակահատվածը՝ վարչապետի ընտրության, այնքան կրքերը թեժանում են: Սակայն հարկ է նշել, որ այդ թեժացումը բացառապես վերագրվում է երկրի գործող իշխանությանը, քանի որ նրանք, ինչպես գիտեք, խորհրդարանում բացարձակ մեծամասնություն են կազմում, և հենց նրանք են իրավասու վարչապետի թեկնածու առաջադրել:
Ինչևէ, կուլիսային պայքարը կարծես թե կամաց-կամաց տեղափոխվում է հանրային հարթակ, փորձելով հանրության տրամադրվածությունն ու էմոցիաները ևս ներգրավել պայքարին և օգտագործել ըստ ցանկության:
Այն, որ գործող իշխանությունը ներկայացնող կուսակցության ներսում այդ առումով ինչ-որ քննակումներ են գնում, բնական է, բայց ինչու են այս ամենին իրենց ներդրումը ցանկանում ունենալ լրատվամիջոցները, դա արդեն մտորելու տեղիք է տալիս:
Անընդունելի է որոշ լրատվականների այն մոտեցումը, որով փորձ է արվում այլ խմբակցության ներկայացուցիչների՝ «Ծառուկյան» դաշինքի պատգամավորների կարծիքները կառավարության գործունեությայ վերաբերյալ, ներկայացնել, վերլուծել ուղղորդված կամ այլ ենթատեքստով: Դժվար թե նույն իշխանական կուսակցության ներսում չգտնվեն մարդիկ, պատգամավորներ, ովքեր չեն տեսնի և չեն կարողանա համապատասխան գնահատական տալ կառավարության գործունեությանը, սակայն այս պարագայում, լրատվականների մոտիվացիան այլ է բնականաբար:
Անդրադառնալով «Ծառուկյան» դաշինքի պատգամավորների օրերս հնչած տեսակետներին՝ կառավարության գործունեության վերաբերյալ, կարելի է շեշտել մեկ պարզ իրականություն․ դաշինքի պատգամավորների և նրանց իսկ ընտրողների համար երկրում դրական տեղաշարժեր արձանագրելու միակ ճանապարը նախընտրական ծրագիրն էր՝ 15 առաջնային դրույթներից բաղկացած, որոնց իրագործումն էր միայն երկիրը դուրս բերելու այս ծանր տնտեսական իրավիճակից: Եթե տվյալ կետերը փաստացի կերպով շարունակում են մնալ թղթի վրա և չեն իրագործվում գործող կառավարության կողմից, ապա պատգամավորների և հասարակության այն հատվածի, որոնք իրենց քվեն են տվել «Ծառուկյան» դաշինքին, բացասական վերաբերմունքը առավել քան տրամաբանված է և արդարացված: Այս ամենը պետք է որ գիտակցեն նաև լրագրողները ՝չփորձելով խառնել միջանձնային հարաբերությունների հետ, որովհետև դրանք տարբեր հարթակներ են:
Դաշինքի պատգամավորներից Նապոլեոն Ազիզյանն իր հարցազրույցներից մեկում հենց այդպես էլ ասել է, որ որպես մարդ՝ հարգանքով է վերաբերվում գործող վարչապետին, բայց քաղաքական տեսանկյունից կառավարության մեկամյա գործունեությունը ոչ դրական է գնահատում:Քանզի իրեն ընտրած քաղաքացիների կենսակերպում որևէ ակնառու դրական փոփոխություններ չեն արձանագրվել, ինչը և գիտակցում է յուրաքանչյուր պատգամավոր, ով պատասխանու է իր համայնքի ներկայացուցիչների առջև: Ուստի փորձել այս ամենը ներկայացնել ուղղորդված քննադատություն՝ առնվազն տկարամտության հետևանք է:
Այս պարզ մտքերը ինչպես են կարողացել լրագրողները վերլուծել մեկ այլ տեսանկյունից, անհասկանալի է, բայց որ նրանց բուն նպատակը հանրությանը կառավարության գործունեության բացասական կողմեր ներկայացնելն է այլ խմբակցության միջոցով, դա այնքան պրիմիտիվ է, որ չնկատելը պարզապես անհնար է:
1
2
3
4
5
1
3
4
5
2
