Պատմական նշանակություն ունեցող գործարանը հուսալի ձեռքերում է
Տնտեսություն
Խորհրդային Հայաստանի փլուզումից հետո, երբ նորանկախ Հայաստանն իր կայացման ճանապարհին, առաջին քայլերն էր կատարում, քչերը կհավատային, որ փլատակների տակ հայտնված Երևանի Արարատ կոնյակի-գինու-օղու կոմբինատը երբևէ կարող է վերականգնվել և դեռ ավելին, հասնել իր երբեմնի փառքին: Սակայն, երբ գործարանի ճակատագրով հետաքրքրվեց Գագիկ Ծառուկյանը, պարզ դարձավ, որ այդ բաղձալի ցանկությունը հնարավոր է իրականություն դարձնել: 2002 թվականից սկսած արդեն, վերակառուցված գործարանը սկսեց մեծ թափով գործել: Բազմաթիվ աշխատատեղեր, ազգային արտադրանք և արտահանում արտերկիր, սրանք այն հիմնական նախապայմաններն էին, որոնց իրագործումը առաջնային էր այդ տարիներին:
Ծառուկյանի գործունեությանը ծանոթ յուրաքանչյուրը վստահ էր, որ գործարանը նրա ղեկավարության ներքո ոչ միայն կվերադարձնի երբեմնի փառքը, դեռ մի բան էլ ավելի հեռուն կգնա: Նրա հանձնարարությամբ և անմիջական վերահսկողությամբ, գործարանը հագեցվեց վերջին սերնդի, նոր սարքավորումներով, որոնք թույլ են տալիս ստանալ ցանկալի որակ, որը պահանջված է ողջ աշխարհում: Միջազգային շուկա դուրս գալու համար որակն ու արտաքին տեսքը չափազանց կարևոր գործոններ են հաջողության հասնելու համար, այդ իսկ պատճառով գործարանի մասնագետները ջանք ու եռանդ չեն խնայել կատարյալին հասնելու համար: Եվ այսօր, ամբողջ աշխարհում հայտնի հայկական կոնյակի գործարանի հիմնադրման 140 ամյակին մասնակցելու համար, աշխարհի տարբեր ծայրերից Հայաստան են ժամանել բազմաթիվ գործընկերներ, որոնք հիացմունքով են խոսում արտադրանքի մասին և պատրաստակամություն են հայտնում հետագայում ևս ակտիվ համագործակցություն պահպանել գործարանի հետ:
Տոնական միջոցառումները մի քանի օր տևեցին, իսկ օտարերկրյա գործընկերները առիթ ունեցան անձամբ տեսնել և մասնակցել խաղող մթերելուց մինչև գինի ստանալու գործընթացին: Յուրահատուկ մոտեցում, երբ պատվիրատուն իր աչքով է տեսնում, թե իրականում ինչպիսի բարձրակարգ տեխնոլոգիաներով հարստացված գործարանի արտադրանք է գնում և իրացնում սեփական երկրում:
Տոնական միջոցառումներ շքեղ էին և բարձր մակարդակով կազմակերպված, իրադարձություն, որի մասին դեռ երկար կխոսեն այն մարդիկ, ովքեր կվերադառնան իրենց հայրենիք տպավորված հայկական հյուրընկալությամբ և հայկական կոնյակով:
Գործարանի 140 ամյակին նվիրված միջոցառումները ընդհանուր առմամբ մի քանի խնդիր լուծեցին՝ և կշատանա արտահանման ծավալները, և զբոսաշրջությունը կզարգանա, և հայկականի մասին ամբողջ աշխարհում կխոսեն:
Մենք էլ միանում ենք բոլոր շնորհավորանքներին և ուժ ու եռանդ մաղթում գործարանն այս կարգավիճակին հասցրած մարդուն՝ Գագիկ Ծառուկյանին, որպեսզի նրա գործունեությունը ընդգրկող ցանկացած ոլորտ, ունենա նմանատիպ հաջողություններ, ինչպիսինն է հայկական կոնյակի ֆուրորն ամբողջ աշխարհում:
1
2
3
4
5
2
3
4
5
2
5
