«Որքան պետք է չար լինես, որ այդ աղջկա մասին ասես՝ գեշ էր»․ «Միսս Հայաստանի» ղեկավար

«Միսս Արմենիա 2017»-ի ղեկավար Գոհար Հարությունյանի համար մրցույթի վերաբերյալ հասարակության բացասական կարծիքներն անակնկալ չեն եղել: Սեպտեմբերի 24-ին, տեղի ունեցած եզրափակչում հաղթող դարձավ 17-ամյա Լիլի Սարգսյանը: Մրցույթն ուղիղ հեռարձակմամբ ցուցադրվում էր «Արմենիա» հեռուստաընկերության եթերում, դրան զուգահեռ եւ ավարտից հետո համացանցում ծաղրական մեկնաբանություններ էին հայտնվում ինչպես հաղթողի, այնպես էլ մյուս մասնակիցների մասին: Armtimes.com-ի հետ զրույցում Գոհար Հարությունյանն ադրադարձավ արձագանքներին:

«Ես շատ պատրաստ էի քննադատությունների, քանի որ մեր ժողովուրդն առհասարակ չի ընդունում այս միջոցառումը: Ով էլ լիներ հաղթողը, ով էլ լիներ կազմակերպողը, ինչ էլ արվեր, միեւնույն է նույն խոսակցությունները լինելու էին: Մենք չունեինք այնպիսի մասնակից, որը միանշանակ բոլորի համար չնաշխարհիկ գեղեցկություն ունենար: Նրանք շատ տարբեր էին, եւ ճաշակի խնդիր էր: Ես անձամբ չեմ հասկանում՝ ինչպես կարելի է հաղթողի մասին ասել՝ նա գեշ էր: Որքան պետք է չար լինես, որ չնկատես նրա գեղեցիկ աչքերը, վարսերը, բնական գեղեցկությունը: Գիտեմ՝ ինչպիսի աղջիկներ են մասնակցում գեղեցկության միջազգային մրցույթներին, տեսնում եմ, որ մեր աղջիկները շատ ավելի մեծ առավելություններ ունեն, բայց ժողովուրդը տրամադրված չէ տեսնելու, գեղեցիկը գնահատելու»,- ասաց նա՝ ավելացնելով, որ դրական կարծիքներ նույնպես եղել են:

 Գոհար Հարությունյանը խոսեց նաեւ կազմակերպչական հարցերի մասին: Նա նշեց, որ իրենք փոքր թիմով մեծ միջոցառում են կազմակերպել, եւ նման պայմաններում չէին կարող խուսափել թերացումներից: Այդ ամենը վերլուծելու են, այն բանից հետո, երբ Լիլին վերադառնա «Միսս աշխարհ» մրցույթից: Ընդհանուր առմամբ գոհ է եւ նշում է, որ ուղիղ եթերի ժամանակ եղած կիքսերը մարդկային գործոնի հետեւանք էին:

շարունակությունը՝ կայքում