Արաբկիրցի Զորիկը վերադառնում է
Տնտեսություն
Hraparak.am-ի տեղեկություններով` Կարեն Կարապետյանի նշանակումը հույս է արթնացրել Հայաստանից հեռացած նախկին պաշտոնյաների, գործարարների մոտ: Նրանցից ոմանք մտմտում են Հայաստանում ինչ-որ բան ձեռնարկել: Սա նախագահի հայտարարած ողջ հայության ներուժն օգտագործելու ծրագրի շրջանակներում է: Մեր տեղեկություններով` Հայաստանում ներդրումներ անելու մտադրություն ունի նաեւ ԱԺ նախկին պատգամավոր Զոհրաբ Զոհրաբյանը` Արաբկիրցի Զորիկը: Նա մտադիր է նախ Երեւանում, ապա մարզերում ստեղծել շուկաներ, որտեղ անվարձահատույց տարածքներ կտրամադրեն: «Առաջիկա 50-100 օրվա ընթացքում միայն Երեւանում 5 հազար աշխատատեղ կստեղծվի, այս ծրագրի վրա մի քանի տարի է` աշխատում ենք, չեմ կարող առայժմ շատ փակագծեր բացել, բայց սա ուղղված է առաջին հերթին խոցելի խավին օգնելուն: Սա միակ ծրագիրը չէ, բազմաթիվ ոլորտներում ներդրումային մի շարք ծրագրեր են նախատեսվում»,- ասաց Զոհրաբյանը: Իսկ ի՞նչ ակնկալիքով է անում։ Արտերկրում բիզնեսներ ունեցող գործարարը նշեց. «Ոչ, պաշտոն չեմ ուզում, որեւէ կուսակցության անդամ չեմ, ընտրություններին էլ չեմ մասնակցելու, իմ նպատակը հայ ժողովրդին եւ Հայաստանին օգնելն է, ուրիշ ոչինչ»: Բայց ի՞նչ ներդրումային ծրագիր, եթե եկամուտ չի բերելու ներդրողին։ Նախկին պատգամավորն ասաց, որ որեւէ եկամուտ չի հետապնդում, սա ժողովրդին նվեր է, մանրամասներն ավելի ուշ կհրապարակի:
1
2
3
4
5
1
2
3
4
5
1
3
4
5
