«Մոսկվա» առևտրի կենտրոնում ոստիկանների հետ գազանաբար ծեծկռտուք անելու համար բերման ենթարկվածներ կան
Աշխարհ
100-ից 250 ներգաղթյալ, ըստ տարբեր աղբյուրների, ծրագրել է զանգվածային ծեծկռտուք կազմակերպել Մոսկվայի հարավ արևելքում գտնվող առևտրի կենտրոնում: Դեպքի վայր ժամանած ոստիկանությունը կանխել է բախումը՝ բերման ենթարկելով 100 ներգաղթյալի:
Ծեծկռտուք կազմակերպելու փորձի պատճառ է դարձել անվտանգության աշխատակիցների կողմից բեռներ տեղափոխող տաջիկ աշխատակցին ծեծի ենթարկելը: Ոստիկանության տվյալներով՝ դեպքը կարելի է դիտարկել որպես կենցաղային վեճ: Տարբեր տեղեկությունների համաձայն՝ «Մոսկվա» առևտրի կենտրոնում ծեծկռտուքին փորձել է մասնակցել 50-250 մարդ:
Ռուսաստանի ներգաղթյալների դաշնությունն իր հերթին դեպքի մանրամասներ է հայտնել: Կազմակերպության նախագահի խոսքով՝ անվտանգության աշխատակիցները մոտեցել են բեռներ տեղափոխող տաջիկ աշխատակցին, ով աշխատում է ղրղզ մասնավոր ձեռնարկատիրոջ համար, և պահանջել հետևել իրենց: Դրանից հետո նրան տարել են ոչ հեռու գտնվող աղբանոց, որտեղ մինչև գիտակցությունը կորցնելու աստիճան ծեծի են ենթարկել, ապա սպիտակ կտորով փաթաթել են և թողել աղբանոցում: Տաջիկստանի քաղաքացուն հայտնաբերել են տաքսու վարորդները: Դրանից հետո առևտրի կենտրոնում տասնյակ ներգաղթյալներ են հավաքվել, ովքեր պլանավորել են հաշվեհարդար տեսնել:
1
2
3
4
5
1
2
4
5
1
2
3
5
