Ինչպես ճիշտ սրսկել, եթե առաջին անգամ եք փորձում դա անել

Ցանկացած մեկը կարող է հայտնվել այնպիսի իրավիճակում, որ ստիպված լինի ներարկում կատարել: EnterTrain-ը ներկայացնում է նման իրավիճակում ճիշտ գործողությունների հաջորդականությունը և զգուշացնում է, որ միայն ծայրահեղ անհրաժեշտության դեպքում դիմեք այդ քայլին:

 

 

 

 

 

Նախապատրաստություն

. Հավաստիացեք, որ դրա անհետաձգելի անհրաժեշտությունը կա:

. Համոզվեք, որ դուք ձեռքի տակ ունեք անհրաժեշտ դեղամիջոցը և համապատասան չափի ներարկիչը:

. Լավ վացեք ձեռքերը և սրբեք մեկանգամյա օգտագործմոն սրբիչով:

. Ախտահանեք ափսեն, որի վրա կտեղավորեք անհրաժեշտ իրերը:

. Գտեք լավ լուսավորված տեղ և խնդրեք ձեր «հիվանդին» պառկել. այդպես նրա մկանները կթուլանան:

. Պատրաստեք սպիրտի մեջ թաթախված բամբակե տամպոններ կամ բժշկական անձեռոցիկներ:

 

Ինչպես կատարել ներարկում

. Եթե դեղը սառն է, ձեռքերով տաքացրեք այն:

. Բացեք ներարկիչի փաթեթը

. Ձեռքերը և դեղի սրվակը մշակեք հակասեպտիկով, բացեք սրվակը, ներքաշեք դեղը: Եթե սրվակը ռետինե կափարիչով է, որը պետք է ծակել, դեղը ներքաշելուց հետո փոխեք ասեղը. այն կարող է կորցնել սրությունը:

. Եթե պատահաբար դիպչել եք ասեղին, այն նույնպես պետք է փոխել:

. Ներարկիչը պահեք ասեղը դեպի վեր և մի կաթիլ դեղ բաց թողեք, որպեսզի օդը դուրս գա:

. Հիվանդի հետույքին մտքում մեծ խաչ նկարեք: Ներարկիչը մտցրեք վերևի աջ հատվածը, որպեսզի նյարդին չդիպչեք:

. Հակասեպտիկ բամբակով տրորեք այդ հատվածը:

. Ասեղը 90 աստիճան անկյունի տակ պահեք մաշկի նկատմամբ: Սա վերաբերում է միայն ներմկանային ներարկմանը:

. Մեկ վստահ և արագ շարժումով մտցրեք ասեղը. ասեղի մոտ 1/3-ը պետք է դուրս մնա:

. Դեղը դանդաղ ներարկեք, որպեսզի հիվանդը ցավ չզգա:

. Հետևեք, որ ներարկիչը չշարժվի:

. Սպիրտով բամբակը տեղադրեք ներարկման տեղում և մեկ շարժումով հանեք ասեղը: Բամբակով սեղմեք այդ տեղը:

. Օգտագործված ասեղը փակեք պատյանով և դեն նետեք:

. Լվացեք ձեռքերը:

 

Եթե պետք է ինքներդ ձեզ ներարկում անեք

. Քանի որ դժվար է սեփական հետույքին ներարկում անելը, նստեք, ոտքը ոտքին գցեք, ասեղը մտցրեք ազդրի մեջտեղի մեկ երրորդ հատվածը:

. Եթե դուք նիհար եք, և ձեր ազդրին ճարպաշերտ չկա, ձեռքով բլրակ արեք, նոր ներարկեք:

. Երբեք օգտագործված ասեղը նորից մի օգտագործեք: