Րաֆֆին դրսի գողականներին է դիմում

shame.am-ը գրում է․

---

Այն, որ Րաֆֆի Հովհաննիսյանը խելքով երբեք չի փայլել, պատմական փաստ է: Այն, որ նա այժմ հոգեպես առողջ չէ, իրականություն է: Նրա բանուգործն այս երկրում վաղուց վերածվել է խեղկատակության. կամ պիտի նրա զինակցուհին Ազգային ժողովում հայտարարի, թե ՊՊԾ գնդից հետո հերոս տղերքը պետք է գրավեն նաև Ազգային ժողովը, կամ նրա զինակիցները պիտի զանգվածային անկարգություններ հրահրեն, կամ այլ գժություններ կազմակերպեն: Դե, իսկ Րաֆֆին էլ տարված է նամակագրությամբ, նամակներ է գրում տարբեր տեղեր, վերջինը` ԵԺԿ նախագահ Ժոզեֆ Դոլին: Նա, մասնավորապես, իր նամակում նշել է.

«Մեծարգո նախագահ Դոլ,
Մեր երեք ավագ անդամների (փոխնախագահ Արմեն Մարտիրոսյան, մամլո քարտուղար Դավիթ Սանասարյան և քաղաքացիական հասարակության հետ կապերի համակարգող Հովսեփ Խուրշուդյան) դեմ ներկայացված շինծու մեղադրանքները դեռևս չեն հանվել. նրանք տակավին ենթարկվում են քրեական հետապնդման:

Քաղաքացիական ակտիվիստներ Անդրիաս Ղուկասյանը և Կարո Եղնուկյանը շարունակում են ազատազրկված մնալ: Բազմաթիվ այլ խղճի բանտարկյալներ և խաղաղ ցուցարարներ մինչ օրս տառապում են:
Մենք հայցում ենք Ձեր միջնորդությունը, հորդորը և համապատասխան գործողությունները»:

Հիմա չես հասկանում, թե ինչ է ակնկալում Րաֆֆին պրն Դոլից: Որ նա միջամտի Հայաստանի իրավապահ մարմինների գործունեությա՞նը: Որ նա ջղայնանա Սերժ Սարգսյանի վրա՞: Եվ այսքանը միայն այն բանի համար, որ նրա էքստրեմիստ կոլեգաները ազատվեն պատասխանատվությունից և հաջորդ անգամ ավելի մեծ բախումներ կազմակերպե՞ն: Պրն Րաֆֆին համաձայն կլինի՞, որ հաջորդ բախման արդյունքում ինքը աչք կորցնի: Եթե ոչ, բա ո՞ւմ աչքի վրա է նա աչք դրել: Այդ պոտենցիալ զոհի գրավոր կամ բանավոր համաձայնությունը կա՞ առ այն, որ դեմ չի լինի, եթե իր աչքը կորի մարտիրոսյանների, սանասարյանների ու անդրիասների «դեմոկրատական» գործունեության արդյունքում:

Րաֆֆիի նամակը զզվելի է նաև նրանով, որ այն նման է դրսից մարդ բերելու, «հեղինակության» դիմելու (աբրաշչատ): Գոնե դիմեր մեր տեղի գողականներին, մի քիչ հասկանալի կլիներ: Բայց դիմում է մի եվրոպացու, որի խելքն ու միտքը Հայաստանը եվրոպական մառանի վերածելն է: Բա խայտառակություն չէ՞...