Ղարաբաղում սարի գլխին տաճար են հայտնաբերել / տեսանյութ

Քաշաթաղի շրջանում շարունակում են ամրոցներ հայտնաբերել: Հետաքրքիրն այն է, որ այս ամրոցները բացահայտվել են «Google earth» համակարգի տիեզերական լուսանկարներով: Մանրամասն զննելով տարածքի տիեզերքից արված պատկերները և մասնագիտական աչքով տարազատելով բնական ժայռագծերը, հին ու նոր ճանապարհները, քարհանքները, առանձնացվել են այն բարձունքները, որտեղ տեսականորեն կարող են լինել ամրոցներ:

ԵՊՀ հնագիտության և ազգագրության ամբիոնի վարիչ, արշավախմբի ղեկավար Հայկ Ավետիսյանի փոխանցմամբ՝ օրինակ Միրիկի ամրոցը բաղկացած է հնագիտական 3 միջավայրերից.

«Առաջինը բուն ամրոցի տարածքն է, կա քաղաքային տեղամասի հատված, ինչպես նաև դամբարանադաշտ: Ամրոցն իշխող դիւք ունի տարածքում, բացի այդ ՝ շարված են մի քանի կիկլոպյան ամրոցների մնացորդներ, որոնք միջավայրը հսկելու հնարավորություն են տվել: Ամրոցը բացառիկ պահպանվածություն ունի ու դրա շնորհիվ «կանչում» է հնագետներին: Եթե նախնական տվայլներով ժամանակագրենք համալիրները, ապա կարող ենք խոսել բրոնզ-երկաթեդարյան ժամանակաշրջանից մինչև միջնադար ընկած մի ամբողջ պատմահնագիտական միջավայրի մասին»,-լրագրողների հետ հանդիպման ժամանակ ասաց Հայկ Ավետիսյանը:

Հնագետ Գագիկ Սարգսյանն էլ նշեց, որ պեղումները սկսել են 2013 թվականից և այս տարի ի թիվս այլ շինությունների՝ հայտնաբերել են մի հուշարձան, որը Զիկուրատ են անվանում, սա նշանակում է սարի կատար:

«Այն տաճար է՝ սարի գլխին: Ներքևից բարձրանում է աստիճանավանդակ 70 մետր երկարությամբ: բացարձակ բարձրությունը 50 մետր է: 2 մետր լայնությամբ մուտք ունի: Աստիճանավանդակներն ի դեպ, քարաշեն են, ինչը նշանակում է, որ սա պետական մակարդակի կազմակերպվածության արտացոլում է»,-մանրամասնեց Գագիկ Սարգսյանը: