«Պարել ենք ծովի մեջտեղում»․ Հելեն Ուդումյանի եւ Լուիզա Ներսիսյանի եվրոպական արկածները

Հելեն Ուդումյանը շուրջ մեկ տարի է՝ օնլայն հարթակում կիսվում է խոհանոցային բաղադրատոմսերով ու համեղ պատրաստելու գաղտնիքներով։ Իր հեղինակած «Kitchen with Helen» խոհանոցային նախագծի համար հաղորդավարուհի-բլոգերը պարբերաբար ճամփորդում է՝ ուսումնասիրելու այլ երկրների ուտեստների առանձնահատկությունները։

Հելենը BRAVO.am-ին հայտնել է, որ ամառային ուղեւորությունն ընդգրկել է միջերկրածովյան երեք երկիր՝ Իտալիա, Իսպանիա, Ֆրանսիա։ Հելենին ընկերակցել է դերասանուհի Լուիզա Ներսիսյանը, որը եւս նկարահանվել է թողարկումներում. «Ընդհանուր առմամբ, տասը հոգով էինք՝ նկարահանող անձնակազմը եւ ծանոթներ, որոնք պարզապես որոշել էին մեզ հետ վայելել նավով ճամփորդությունը։ Լուիզան արտիստիկ կերպար է, համոզվեցինք, որ թեթեւ բնավորությամբ ճանապարհի լավ ընկեր է, բոլորս նրա հետ մտերմացանք։ Իսկապես հիշարժան ու հումորային պահերով լեցուն ճամփորդություն էր»:

Նավով ուղեւորության ընթացքում եղել են 7 քաղաքում՝ Հռոմ, Բարսելոնա, Կանն, Լա Սպեցիա, Կորսիկա, Մայորկա, Ջենովա.«Շեֆ-խոհարարների ու գուրմանների հետ բացահայտեցինք տեղի հայտնի բաղադրատոմսերն իրենց գաղտնիքներով։ Քանի որ վերջին տարիներին բնակվել եմ Իտալիայում, ավելի ծանոթ եմ իտալական խոհանոցին, բայց նոր հետաքրքիր համեր բացահայտեցի ֆրանսիական ու իսպանական խոհանոցից։ Եղել ենք Բարսելոնայի ամենահայտնի շուկայում, որտեղ զբոսաշրջիկը կարող է 5-6 եվրոյով շատ համեղ սնունդ գնել։ Կարծում եմ՝ այս երեք երկրից ամենատարածվածն իտալականն է, որովհետեւ պիցցա ու մակարոն ուտում են ե՛ւ Հայաստանում, ե՛ւ Չինաստանում»։

մանրամասն՝ կայքում