Ի՞նչ են պատմում ականատեսները Կանևսկոյի մտերիմների սպանության մասին
Հասարակություն
«Ժողովուրդ» գրում է. «Սեպտեմբերի 12-ի գիշերը կրակոցներ էին հնչել Էջմիածնի Անդրանիկի փողոցում, ինչի արդյունքում սպանվել էին քրեական հեղինակություն Արտյոմ Հարությունյանի՝ Արտյոմ Կանևսկոյի մտերիմներից Կարեն Դավթյանը և Լևոն Ավետիսյանը:
«Ժողովուրդ» օրաթերթի խմբագրությունը այցելեց դեպքի վայր, որտեղ ականատեսները ուշագրավ մանրամասներ պատմեցին կատարվածից: Պարզվում է՝ սպանությունից մի քանի օր առաջ Անդրանիկի փողոցում երեկոյան մի մեքենա է կանգնել, տարածքի բնակիչները մշտապես հետաքրքրվել են, թե ով է մեքենայի տերը, ինչու է ամեն երեկո գալիս, սակայն որևէ բան չեն կասկածել:
«Կրակել էին կոնկրետ դեմքներին, Կարենի դեմքին ու սրտին էին կպել գնդակները, նույն էլ իր հետի տղայի դեպքում էր: Մտածված, պլանավորված սպանություն էր»:
Ըստ ականատեսների` նույն օր իրավապահները փողոցի տեսախցիկի ձայնագրությունը առգրավել են. «Ասում են՝ տեսախցիկով արձանագրվել է, երկու հոգի են եղել, երևում է, թե ոնց են կրակում, բայց դեմքները չի երևում: Մինչև գիշերը 5-ն այստեղ իրավապահները աշխատեցին, սարսափելի էր, 150 մետր էր մնացել, հասներ իր տուն, բայց չհասավ, հենց փողոցի թփերի մեջ նստել, սպասել էին»:
1
2
3
4
5
1
3
4
5
2
