Փսորիազը իմունային համակարգի հիվանդություն է. դրա հետևանքով բջիջները կուտակվում են մաշկի վերին թաղանթում և կարմիր, խիտ, թեփուկավոր հետքեր առաջացնում, որոնք ուղեկցվում են քորով և ցավերով: EnterTarin-ը ներկայացնում է փսորիազի առաջացման պատճառները և ախտանիշները:
Փսորիազը ավելին է, քան մաշկի արտաքին վիճակը: Իրականում այն աուտոիմունային հիվանդություն է: Այդ ռեակցիան առաջանում է, երբ T-բջիջները հարձակվում են մաշկի առողջ բջիջների վրա: Գերակտիվ T-բջիջները իմունային ռեակցիաներ են առաջացնում, որոնք արագացնում են մաշկի բջիջների աճը, ինչն էլ իր հերթին ստիպում է նրանց տեղաշարժվել մաշկի արտաքին մակերես: Այդ վիճակը շատ է ազդում առօրյա կյանքի վրա:
Բացի դրանից, փսորիազով հիվանդները հակված են նաև այլ հիվանդությունների՝ հիպերտոնիա, սրտային հիվանդություններ, երկրորդ տեսակի շաքարախտ, աչքի հիվանդություն:
Վիտամին D-ն կարևոր նշանակություն ունի աուտոիմունային հիվանդությունների համար՝ ներառյալ փսորիազը:
Փսորիազով տառապողները անպայման պետք է ստուգեն D վիտամինի մակարդակը և պահպանեն այն 50-70 մլ-ի սահմաններում ողջ տարին: D վիտամինը գործում է որպես հզոր իմունոմոդուլյատոր և մեծ դեր է խաղում փսորիազի պրոֆիլակտիկայի մեջ: Այն կարգավորում է մաշկի բջիջների աճը և վերացնում T բջիջները:
Փսորիազի լավագույն բուժումը արևային լույսի ազդեցությունն է, որի շնորհիվ ավելանում է D վիտամինի քանակությունը: Այն կանխում է նաև Պարկինսոնի հիվանդության և քաղցկեղի առաջացումը, որոնց հակված են փսորիազով տառապողները:
1
2
3
4
5
2
3
4
5
2
5
