Ինչն է դառնում սեքսի ժամանակ արնահոսության պատճառ՝ կպատմի EnterTrain-ը:
Մեխանիկական վնասում
Այս խնդիրը դիտվում է չափազանց ինտենսիվ և կոպիտ սեքսի կամ ֆալլոիմիտատորների սխալ օգտագործման, նաև քսանյութի բացակայության դեպքում, ինչի հետևանքով վնասվում են հեշտոցի կամ արգանդի վզիկի պատերը: Այդ արնահոսությունը կուղեկցվի ցավով սեքսի ժամանակ: Երբեմն այդ վնասվածքները կար են պահանջում, երբեմն բավարար են ժուժկալությունը, բուժիչ բույսերով վաննան և վերք ապաքինող քսուքները:
Ինֆեկցիոն հիվանդություններ
Սեքսի ժամանակ արյան անջատումը հաճախ ուղեկցվում է սեռական ճանապարհով փոխանցվող վարակների, բորբոքային գործընթացների դեպքում:
Էնդոմետրիոզ
Այս հիվանդության ռիսկին հատկապես ենթակա են վերարտադրողական տարիքի կանայք, հիվանդության պատաճառները մինչ օրս մինչև վերջ պարզ չեն: Հիվանդությունն ուղեկցվում է հաճախակի արգանդային արնահոսությամբ, այդ թվում՝ սեքսի ժամանակ, արգանդի մեծացումով, դաշտանային ցիկլի խանգարմամբ: Ախտորոշել և բուժել կարող է միայն բժիշկը:
Դեղերի սխալ ընդունում
Սեքսի ժամանակ արյուն կարող է գալ հորմոնալ և հակաբեղմնավորիչ հաբեր ընունելու դեպքում: Երբեմն արնահոսություն կարող է առաջացնել սովորական ասպիրինի և այլ դեղամիջոցների ընդունումը, որոնք ազդում են արյան մակարդելիության վրա: Այդ դեպքում կարելի է գինեկոլոգի դիմել:
Պոլիպներ
Մեխանիկական ազդեցության դեպքում պոլիպները վնասվում են՝ արնահոսություն առաջացնելով: Եթե սեքսի ժամանակ արյան պատճառը պոլիպներն են, անհրաժեշտ է դրանցից շտապ ազատվել վիրաբուժական ճանապարհով, այլապես ուռուցքի առաջացման ռիսկ կա:
Արգանդի վզիկի էրոզիա
Արգանդի վզիկի էրոզիան բնութագրվում է խոցերի ձևավորմամբ, որոնց վնասումը հանգեցնում է արնահոսության: Բուժվում է, որպես կանոն, դաղելով կամ հորմոնալ թերապիայով: Ինքնաբուժությամբ չզբաղվեք:
Ուռուցք
Արգանդի ցանկացած ուռուցք կարող է արյուն առաջացնել սեքսի ժամանակ:
Ձվազատում
Դա նորմալ է, բժշկի դիմելու կարիք չկա: Բայց եթե վստահ եք, որ ուրիշ խնդիր չկա:
Եթե սեքսի ժամանակ արյուն է գալիս, պետք է անհապաղ գինեկոլոգի դիմել:
1
2
3
4
5
1
2
4
5
1
3
4
