EnterTrain-ը ներկայացնում է 22-ամյա Քերսթի Բաթլերի պատմությունը Ուելսի Սուունսի քաղաքից: Երբ պարզվեց, որ նա հղի է, նա և նրա սիրելին շատ ուրախ էին:
Սակայն ճակատագիրը խեղճի համար դաժան փորձություն էր պատրաստել:
Կնոջ կազմվածքի փոփոխություններն առաջինը գործընկերները նկատեցին: Նրանք ակնարկեցին, որ Քերսթիի փորն արագորեն մեծանում է: Գեղեցկուհին հղիության թեստ արեց, որը դրական պատասխան տվեց:
Բժիշկների նախանական ախտորոշմամբ՝ կինը հղիության 8-րդ ամսում էր: Երիտասարդ զույգը յոթերորդ երկնքում էր երջանկությունից:
Ուլտրաձայնային հետազոտության արդյունքում պարզվեց, որ Քերսթին իսկապես հղի էր, բայց պտուղն ընդամենը 6 շաբաթական էր: Նրա փորի կլորության իրական պատճառը հսկայական ուռուցքն էր:
Ավելի ուշ պարզվեց, որ ձվարանի կիստան հասել էր 30 սմ երկարության և 20 սմ տրամագծի: Այն, որ ուռուցքը բարորակ էր, իրավիճակը մեծապես չէր փոխում: Նորագոյացությունը պետք էր անհապաղ հեռացնել, բայց Քերսթիի հղիությունը մեծապես բարդացնում էր իրավիճակը:
Բժիշկների հետ խորհրդակցելով՝ կինը որոշեց ուռուցի հեռացման վիրահատությունը հետաձգել մինչև պտուղը գոնե 11 շաբաթական դառնար: Սակայն նշանակված ամսաթվից ոչ շատ առաջ փոքրիկի սիրտը կանգ առավ: Քերսթին վիժեց:
Ավելի ուշ բժիշկները հեռացրին կիստան: Դրա հետ հեռացրին նաև կնոջ ձվարաններից մեկը: Հսկայական ուռուցքը պարզապես ճզմել էր այն:
Բժիշկներն ասում են, որ կինը չկորցրեց հետագայում հղիանալու ունակությունը, զույգը հույս ունի ապագայում երեխա ունենալ:
1
2
3
4
5
1
2
4
5
1
3
4
