Մեքենայի ռեգուլյար շահագործումը ներառում է վառելիքի զգալի ծախս։ Բացի այդ՝ հաճախակի շահագործումը հանգեցնում է անսարքությունների առաջացման հաճախականության բարձրացման, ինչը նույնպես մեծ հարված է միջին խավի մարդկանց գրպանին։
Ձեզ ենք ներկայացնում վարորդական 8 խորամանկություններ, որոնք կօգնեն ոչ միայն նվազեցնել վառելիքի ծախսը, այլև հնարավորինս պակասեցնել տեխնիկական սպասարկումների հաճախականությունը։
Արագացման սեղմակը մինչև վերջ մի սեղմեք
Ճանապարհներին շատ հաճախ կարելի է տեսնել կտրուկ արագացող մեքենաների։ Սակայն պարզից էլ պարզ է, որ վառելիքի նվազագույն հնարավոր ծախսը երաշխավորված է համաչափ ընթացքի պարագայում։ Կտրուկ արագացման դեպքում մեքենան զգալիորեն ավելի շատ վառելիք է այրում։
Մայրուղիներին օգտագործեք կրուիզ կոնտրոլ համակարգ
Մայրուղիներին նվազագույն քանակով վառելիք ծախսելու համար պետք է ընդամենը միացնել կրուիզ կոնտրոլ համակարգը։ Մեքենան դրանից հետո ինքնուրույն կկարգավորի արագությունը։
Ժամանակին անցնել տեխնիկական սպասարկում
Շարժիչի յուղը և յուղի ֆիլտրը պետք է փոխել ամեն 7-8 հազար կիլոմետր վարելուց հետո։ Բացի այդ՝ մի մոռացեք մոմերի և օդի ֆիլտրի փոփոխության մասին։ Այս ամենը չանելը կարող է հանգեցնել մեքենայի շարժիչի վնասմանը, ինչի վերանորոգումը չափազանց թանկ է։
Անջատեք օդորակիչը
Այս կետը միանշանակ չէ, քանի որ շատ մարդիկ չեն կարող դիմանալ շոգին առանց օդորակիչի։ Սակայն միշտ հիշեք, որ դրա գործարկումից հետո վառելիքի ծախսն ավելանում է առնվազն 15%-ով։
Ձեր երթուղին ռացիոնալ պլանավորեք
Աշխատեք չվարել մեքենան անձրևային օրերին
Հաճախ ստուգեք օդի ճնշումը մեքենայի անիվներում
Առաջին հերթին սա հնարավորություն կտա ավելի լավ արգելակելու։ Բացի այդ՝ օդի ճնշման նույնիսկ աննշան անկումը կարող է հանգեցնել վառելիքի ծախսի մոտ 3% աճի։
Մեքենայից հեռացրեք ավելորդ իրերը
Որոշ վարորդներ սիրում են իրենց մեքենայում ավելորդ իրեր պահել։ Հիշեք, որ ինչքան ծանր լինի մեքենան, այնքան շատ վառելիք կծախսի նույն ճանապարհն անցնելու վրա։ Մենք խորհուրդ ենք տալիս մաքրել մեքենայի բեռնախցիկը և պահել միայն այն իրերը, որոնք իսկապես օգտակար են։
1
2
3
4
5
1
3
4
5
2
