Բաքուն ու Անկարան փորձում են կտրել Երեւան-Թբիլիսի գիծը

Լրագիր / Թուրքիայի, Ադրբեջանի եւ Վրաստանի արտգործնախարարների Բաքվում տեղի ունեցած հանդիպումից հետո Թուրքիայի արտգործնախարար Չավուշօղլուն հայտարարել է, որ Նյու Յորքում ՄԱԿ գլխավոր Ասամբլեայում երեք երկրները միասնական կլինեն Աբխազիայի եւ Ղարաբաղի խնդիրների հարցում, հանդես գալով խաղաղ կարգավորման օգտին՝ տարածքային ամբողջության շրջանակում:
Թուրքիայի արտաքին գործերի նախարարի հայտարարությունը Հայաստանում կարող է արժանանալ Վրաստանի հանդեպ որոշակի բացասական տրամադրություն պարունակող արձագանքների: Ըստ ամենայնի, հայտարարությունը արվում է նաեւ հենց այդ հաշվարկով:
Ակնհայտ է, որ թուրք-վրաց-ադրբեջանական եռակողմ ֆորմատում Անկարայի եւ Բաքվի հաշվարկներից եւ ակնկալիքներից մեկն էլ հայ-վրացական հարաբերությունը հնարավորինս տորպեդահարելն է: Այդ ուղղությամբ ջանքերը ժամանակ առ ժամանակ դառնում են ակնառու: Ավելին, թե Բաքուն, թե Անկարան փորձում են այդ ուղղությամբ աշխատել նաեւ Վրաստանում հասարակական-քաղաքական որոշակի շրջանակների հետ, բարեբախտաբար առայժմ ավելի շուտ մարգինալ: Այդպիսի մի շրջանակներից մեկն էլ օրինակ օրերս բողոքի ակցիա էր արել՝ «հայկական էքսպանսիայի» դեմ, կապված հայ-վրացական սահմանազատման գործընթացի հետ:
Պարբերաբար խաղարկվում է նաեւ ռուսական խաղաքարտը, երբ Հայաստանը մատուցվում է իբրեւ Վրաստանի հանդեպ ռուսական հնարավոր ագրեսիայի պլացդարմ:
Ընդ որում, թուրք-ադրբեջանական այդ շահագրգռությունը զգալիորեն արտահայտված է նաեւ Ռուսաստանի մոտ, որի համար եւս Հայաստան-Վրաստան հարաբերության սերտացումը դիտարկվում է իբրեւ աշխարհքաղաքական մարտահրավեր:
Իսկ բուն խնդիրն իհարկե միայն հայ-վրացական հարեւանությունը չէ, այլ Վրաստանի եվրատլանտյան ինտեգրացիայի քաղաքականությունը, որի շնորհիվ Թբիլիսին ավելի է ներգրավվում եվրատլանտյան տնտեսա-քաղաքական եւ անվտանգային տարածության մեջ, միեւնույն ժամանակ նաեւ ՆԱՏՕ-ի համար դառնալով կովկասյան գործընթացներում ներգրավվելու պլացդարմ:

շարունակությունը՝ կայքում