Հանրահայտ մերկապարուհիներ, ովքեր փորձել են փոխել աշխարհը

1893թ. փետրվարի 9-ին Փարիզի Մուլեն Ռուժ կաբարեում պարուհի Մոնան առաջին անգամ պարելիս մերկացավ: Նրա գայթակղիչ պարը անմիջապես անվանեցին մերկապար՝ ստրիպտիզ՝ բառացի «սպառնալ մերկանալով»:

Այժմ ստրիպտիզը իսկական արվեստ է դիտվում: Այդ արվեստին տիրապետելու համար աղջիկները պետք է ուսումնառության երկար ճանապարհ անցնեն, ինչը համեմատելի է մարզումներին: Աղջիկների համար գոյություն ունեն մերկապարի տարբեր կուրսեր, որոնք օգնում են պահպանելու գեղեցիկ կազմվածքը, ճկունությունը, ինչպես նաև սովորելու տղամարդկանց հետ շփվելու նրբությունները և գայթակղելու արվեստը: EnterTrain-ը ներկայացնում է հանրահայտ մերկապարուհիներին:

Դիթա Ֆոն Թիզը էրոտիկ շոույի ժամանակակից ամենահայտնի պարուհին է: Դիտան զբաղվում է իր անունը կրող ներքնաշորերի, օծանելիքի արտադրությամբ: Նա նաև հայտնի ռոքեր Մերիլին Մենսոնի նախկին կինն է:

Մերկապարուհի Լիլի Բուրանան այսօր հայտնի է որպես ամերիկացի գրող և խմբագիր: Նրա ամենահայտնի գիրքը ինքնակենսագրական Strip City: A Stripper’s Farewell Journey Across America («Մերկապարուհու վերջին ուղևորությունը Ամերիկա»)-ն է:

Քրիստինա Քիլերը կաբարե ակումբի մերկապարուհի էր: Նա 1960-ականներին մեղադրվել է Մեծ Բրիտանիայում մի սկանդալային պատմության մեջ, որին մասնակից էր նաև խորհրդային լրտես և պաշտպանության նախարար Ջ. Պրոֆյումոն: Այդ միջադեպը հանգեցրեց երկրի կառավարության փոփոխությանը:

Մերի Քերին 2003թ. Կաիֆոռնիայի նահանգապետի թեկնածու Առնոլդ Շվարցենեգերի մրցակիցն էր: Նա պահանջում էր համասեռամոլների ամուսնության օրինականացում և սիլիկոնե կրծքերի հարկում:

Դաննի Էշը հայտնի է Ամերիկայում: Նա համացանցային բիզնես էր բացել. վճարովի կայք էր ստեղծել, որտեղ տեղադրում էր իր էրոտիկ լուսանկարները և տեսանյութերը: Միլիոնավոր դոլարներ աշխատելուց հետո նա վաճառեց իր կայքը:

Մատա Հարին աշխարհի ամենահանելուկային կանանցից է: Անցած դարի ընթացքում նրա փառքը տարածվել էր ողջ Եվրոպայում: Նրա համար խելքահան էին լինում ամենահարուստ եվրոպացիները, նրա սիրեկանները եղել են նախարարները և թագավորները: Հենց նա է ժամանակակից մերկապարի հիմնադիրը:

Դիաբլո Կոդին ոչ միայն մերկապարուհի է. նրա վաստակը շատերը անգնահատելի են համարում: 2006թ. նա հայտնի դարձավ մերկապարուհու իր հուշերի գրքով: Նա այժմ թողել է մերկապարը և հայտնի է որպես սցենարիստ, գրող և բլոգեր: Նա նույնիսկ «Օսկար»-ի է արժանացել «Ջունո» ֆիլմի սցենարի համար: