Թոխմախի Մհերի «գողական հավաքից» հետո երրորդմասցի Լյովիկի սպանության մեջ մեղադրվողները կարող են ցմահ ազատազրկվել

Առաջին / Երրորդմասցի Լյովիկի սպանության գործավ դատավարությունը մոտենում է ավարտին: Այս օրերին ամբաստանյալների պաշտպան Լուսինե Սահակյանի միջնորությամբ դատարանում հարցաքննվում են դեպքի վայրի զննությանը ներկա գտնված ընթերակաները, որոնք, սակայն, առհասարակ հայտարարում են, որ ոչինչ չեն տեսել, չեն հիշում, միայն ստորագրել են:

Վերջին դատական նիստում հարցաքննվեցին տարածքի զննությանը և ինքնաձիգների զննությանը, փաթեթավորմանը և արձանագրության կազմմանը ներկա գտնված ընթերականերից երկուսը, որոնք, սակայն, ինչպես արդե նշեցինք, հայտարարեցին, որ միայն ստորագրել են քննիչի ցույց տված տեղում, ուրիշ ոչնչից տեղյակ չեմ: Հաջորդ դատական նիստին էլ հարցաքննվելու են մեքենայի զննությանը ներկա գտնված ընթերակաները: Խոսքն իրեղեն ապացույց ճանաչված երկրորդ մեքենայի՝ «Վազ 2107»-ի մասին է, որով, ըստ մեղադրանքի, ամբաստանյալներ Վահան Հակոբյանը (Գաստիկ), Սարգիս Հախանումյանը (Տլե) և Սարգիս Գրիգորյանը (Ծըգլ) 2015 թվականի մարտի 4-ին դարանակալել են «Նուբարաշեն» ՔԿՀ-ի շենքի մոտ: Այս մեքենայի զննությամբ պարզվեց. այն ընդհանրապես կնքված չի եղել: Ավելին՝ այս մեքենայի ներսն ամբողջությամբ տակնուվրա էր արված, թալանված:

Ամբաստանյալների պաշտպան Լուսինե Սահակյանն «Առաջին լրատվական»-ի հետ զրույցում ասաց, որ դատարանը որևէ կերպ չի կարող և տարածքից գտնված ինքնաձիգները, և մեքենայում հայտանբերվածները չեն կարող համարվել թույլատրելի ապացույցներ: Փաստաբանի խոսքերով՝ դատավարության ընթացքում էլ պարզ դարձավ, որ հատկապես զենքերի փաթեթավորման վրա կնիքներն այնպիսին էին, որ դրանք կարող էին փոփոխվել մինչև փորձագետին ներկայացնելը,այնպես էլ փորձագետին ներկայացնելուց հետո: «Դրանք որևէ ապացուցողական նշանակություն չունեն: Ոչ ինքնաձիգները, ոչ էլ ավտոմեքենայից հայտնաբերված իրերը: Մեքենան կնքված չէր, թալանված էր: Զենքերի մասին էլ չեմ ասում: Դրանք առհասարակ չեն կարող թույլատրելի ապացույց համարվել, որոնց վրայից իբր հայտնաբերվել էր այն գենետիկան, որն իբր համընկել էր իմ պաշտպանյալների գենետիկայի հետ: Մինչդեռ ընթերականերն ասում են, որ չեն էլ տեսել և չեն մասնակցել այդ զենքերի փաթեթավորմանը: Իսկ մյուս ընթերականը, որն ասում էր, որ տեսել է, որ ինքնաձիգը թերթով փաթաթում են, հստակ ասում էր, որ դա չի կնքվել: Սովորական թղթով փաթաթել, դրել են մեքենան: Այսինքն՝ դրանց վրա էլ պետք է լիներ խառը գենետիկա, ոչ թե այն, ինչ որ հայտնաբերվել է»,- ասաց տիկին Սահակյանը՝ հավելելով. «Ես ընդհանրապես չգիտեմ դեպքի վայրում հայտնաբերված ինքնաձիգերն ինչ են, որտեղից են: Արդյո՞ք դրանից է կրակվել, թե՞ ոչ, դա չի հարցը: Հարցն այն է, որ դրանց վրայից հայտնաբերված հատկանիշները, որն իբրև ապացույց փորձում են օգտագործել իմ պաշտպանյալների դեմ, դրանք ապացուցողական նշանակություն չունեն: Այսինքն՝ դրանք ձեռք չեն բերվել այնպիսի պայմաններում, որ դրանց վրա այլ ազդեցություն չլիներ և մինչև փորձագետին հասնելը հնարավոր չլիներ դրանք փոխել: Իսկ Քրեական դատավորության օրենսգիրքը հստակ սահմանում է, որ նման ապացույցներն արժեք չունեն»,- ընդգծեց փաստաբանը:

շարունակությունը՝ կայքում