ԱՄՆ-ում բացվել է կոպիտ «հավատարմության գոտիների» ցուցահանդես: Դիզայներ Այրա Շերմանը, որ մասնագիտացած է մարմնի համար տեխնոսարքերի ստեղծման գործում, իր ստեղծագործությունները անվանում է «անթափանց իրեր»: դրանք կարելի է տեսնել Մեմֆիս քաղաքի Մետաղի ազգային դեկորատիվ թանգարանում: EnterTrain-ը ներկայացնում է ցուցադրության նմուշներից:
Դիզայներն ասում է, որ բռնաբարության դեմ հարմարանքի ստեղծման գաղափարը իրեն ներշնչել է բռնաբարության զոհ դարձած կանանց հետ շփումը: Նրանք ցանկություն են հայտնել վերագտնելու իրենց ֆիզիկական անվտանգության հնարավորությունը. նրանց հարկավոր է եղել «պաշտպանական գոտի»:
«Երբ զրուցում ես բռնաբարության զոհերի հետ, սարսափելի մանրամասների մասին ես տեղեկանում: Այդ սարսափը ես արտահայտել եմ իմ աշխատանքներում»,- ասում է Շերմանը: Գոտիները անվանումներ ունեն՝ «Արջի թակարդ», «Ինտիմ էլեկտրապատնեշ» և այլն:
Դրանք հիմնականում պատրաստված են պողպատից և պղնձից: Ինքը՝ Շերմանը, խորհուրդ չի տալիս դրանք կրել: «Ինժեկտոր» անվանումը կրող հարմարանքը ենթամաշկային ներարկումներ անող հատուկ ասեղներ ունի: Դրանց մեջ բռնություն իրականացնողին «գունավորող» ներկ և «հանգստացնող» սեդատիվ նյութ կա, իսկ «ինտիմ էլեկտրապատնեշ»-ը էլեկտրաշոկ է իրենից ներկայացնում:
Ամենատպավորիչ հարմարանքը կոչվում է «Կորսետ «ստեղծարար ռեֆլեքս»: Այդ մեխանիզմը ամրացվում է պարանոցին, ունի պողպոտե փշեր, որոնք շարժման մեջ են դրվում պնևմատիկ եղանակով և դանակների պես են աշխատում:
Թանգարանի տնօրեն Ջիմ Վոլասն ասում է, որ Շերմանի ստեղծագործությունները, անկախ իրենց կոչումից, մետաղական արվեստի հրաշալի գործեր են:
1
2
3
4
5
1
2
3
4
5
1
3
4
5
