Որոշ օրգանների հեռացումը կօգնի երեխա ունենալ

Դանդիի համալսարանի ու Լոնդոնի համալսարանական քոլեջի հետազոտողները պարզել են, որ այն կանանց մոտ, ովքեր անցել են կույր աղիքի, նշագեղձերի վիրահատություն կամ այդ վիրահատություններից որևէ մեկը, բարձրանում է հղիանալու հավանականությունը: Գիտնականները վերլուծել են կույր աղիքի վիրահատություն տարած 54675 կանանց ու նշագեղձերի վիրահատություն տարած 112607 կանաց ու նաև երկու վիրահատություններն էլ տարած 10340 կանաց, ինչպես նաև 355244 կամավոր կանաց տվյալներ, որոնք վիրահատություն չեն տարել: Մասնագետները պարզել են, որ կույր աղիքը հեռացրած կանացից կարողացել են հղիանալ 54,4%-ը, նշագեղձերը հեռացրած մասնակիցներից` 53,4%-ը, երկու վիրահատությունները տարած կանանցից 59,7%-ը, իսկ վիրահատություն չտարած կանացից ընդամենը 43,7%-ը: Այսինքն, ինչպես գրում է UPI.com.-ը, վիրահատություն տարած կանանց մոտ պտղաբերությունն ավելի բարձր է եղել: Մասնագետները ենթադրում են, որ հնարավոր է որ խնդիրը վիրահատական 2 միջամտություններից հետո կանանց պահվածքի մեջ է կամ էլ հղիանալուն օգնում է բորբոքված օրգանների հեռացումը: Իսկ ավելին իմանալու համար հարկավոր է հետագա հետազոտություններ: