Մահացել է Տիգրան Օհանջանյանի հայրը

«Երկիր ծիրանի» կուսակցությունը ցավակցական ուղերձ է հղել խաղաղ պայմաններում զոհված զինվորի՝ Տիգրան Օհանջանյանի հոր ՝ Սուրեն Օհանջանյանի մահվան կապակցությամբ․

Մեծ ցավով ու ափսոսանքով տեղակացանք, որ կյանքից հեռացավ Վարդենիսի զորամասերից մեկում 2007 թվականին մահացած ժամկետային զինծառայող Տիգրան Օհանջանյանի հայրը:

Զինվորների մահվան դեպքերից շատերը մինչև օրս շարունակում են չբացահայտված մնալ, հաճախ կոծկվելով դժբախտ պատահարների կամ ինքնասպանության վարկածների միջոցով, ինչը շարունակում է մտահոգել զինվորների ծնողներին, հանրությանը, ովքեր երկար տարիներ պայքարում են զինվորների գործերի վերանայման համար:

Առ այսօր զոհված զինծառայողների մահվան դեպքերը մնում են չբացահայտված ապացուցելով մեր գործող իշխանությունների անտարբերությունը հայ ժողովրդի և մասնավորապես, իրենց կյանքով հայրենիքը պաշտպանած զինվորների նկատմամբ:

10 տարի է անցել զինծառայող Տիգրան Օհանջանյանի մահվանից, սակայն, մինչ օրս չի պարզվել մահվան իրական պատճառը:

Կարելի էր խուսափել նմանատիպ դեպքերից , եթե ժամանակին ճիշտ քայլեր արվեին

Սա պարտություն է։ Մենք ոչ թե պետք է հերքենք , այլ պետք է վերլուծենք՝ ինչպես անենք, որ նման դեպքեր այլևս չկրկնվեն։

Հիրավի, ամեն մի հայի կորուստը մեր ողջ ազգի ցավն է ` ողջ հայության վիշտը:

Հստակ է մեկ բան՝ մեր հայրենիքի սահմանների խաղաղությունն ապահովվելու համար ծնողները չխնայելով իրենց զավակների անգին կյանքը՝ նրանց ուղարկում են հայրենիքի պաշտպանության, նույնն էլ ակնկալում են իշխանություններից՝ վստահ լինելով, որ իրենց զավակները տուն կվերադանան անվտանգ, սակայն այսպիսի դեպքերի են բախվում, և հայրենքի պաշտպանության քողարկման տակ սպանվում են բազմաթիվ զինծառայողներ՝ չստանանալով անգամ արդար դատաքննություն իրենց որդիների մահվան վերաբերյալ:

Ծնողներից շատերը նույնպես իրենց կյանքի գնով պայքարում են բացահայտելու իրենց որդիների մահվան հանգամանքները, սակայն այդպես էլ չստանալով արդարացի լուծում իրենք նույնպես զոհվում են իշխանության անտարբերության և անարդարացի վերաբերմունքից:

Երկիր Ծիրանի կուսակցությունը խորին ցավակցություն է հայտնում Սուրեն Օհանջանյանի ընտանիքի անդամներին, բոլոր հարազատներին, բարեկամներին, ինչպես նաև ընկերներին:

Մաղթում ենք ոգու արիություն ու սփոփանք, հուսալով, որ նմանօրինակ լուրերը օր օրի կպակասեն մեր առօրյայից:

Հավերժ հանգստություն նրանց հոգիներին:

«Երկիր Ծիրանի» խմբակցության լրատվական ծառայություն: