Ինչու Ադրբեջանը համաձայնվեց

«Լրագրի» զրուցակիցն է Գլոբալիզացիայի և տարածաշրջանային համագործակցության կենտրոնի ղեկավար, քաղաքագետ Ստեփան Գրիգորյանը․

Պարոն Գրիգորյան, Ադրբեջանի ԱԳ նախարար Էլմար Մամեդյարովը պատասխանել է ամերիկացի համանախագահ Հոգլանդի հայտարարության հետ կապված Էդվարդ Նալբանդյանի արձագանքին՝ նշելով, որ եթե Հոգլանդի հայտարարությունում նորություն չկար, ուրեմն իրենք պատրաստ են առարկայական բանակցությունների։ Արդյոք սա նորությո՞ւն է մտցնում չեղած բանակցային գործընթացում, թե ոչ։

Նախ՝ ոչ միայն մենք, այլև ադրբեջանցիներն էլ չեն սիրում մադրիդյան սկզբունքները։ Այնտեղ էլ քննադատվում է այդ սկզբունքները, մասնավորապես այն կետը, որը վերաբերում է Ղարաբաղում անցկացվելիք հանրաքվեին, հետևաբար մադրիդյան սկզբունքները կամ դրա տարբերակներն առանց բացառության իրենց համար էլ անընդունելի են։ Մենք էլ չենք համարում, որ այդ սկզբունքներն իդեալական են, իրենք էլ դրանք իդեալական չեն համարում։
Հիմա փորձենք հասկանալ, թե ինչու է Մամեդյարովը նման արձագանք տվել. շատ հասարակ պատճառներով. Մամեդյարովը տալիս է իր համաձայնությունը կամ դրական պատասխանը, որովհետև, ի վերջո, իրենք ուզում են շրջանցել այն պահանջը, որ պետք է վստահության մթնոլորտ ստեղծել։ Իրենք ասում են, շատ լավ, եկեք վերսկսենք բանակցությունները, ու դրանով ուզում են շրջանցել վստահության մթնոլորտ ստեղծելու դրույթը, քանի որ իրենց համար իսկապես շատ վտանգավոր է։ Ուրեմն այն հնարքը, որ կիրառեց Մամեդյարովը, կապված է վստահության մթնոլորտ ստեղծելու պահանջը շրջանցելու հետ։ Իրենք ասում են՝ էլ ի՞նչ վստահության մթնոլորտ, դե սկսում ենք բանակցությունները։

շարունակությունը՝ կայքում