Բոլոր կրակոցներն ուղղված են Վովա Գասպարյանի դեմ

Լրագիր / ԶԼՄ-ները հայտնում են Արարատի մարզում կրակոցների մասին: Անհայտ անձը օգոստոսի 20-ի կեսգիշերին կրակոցներ է արձակել Արեւշատ գյուղի բնակիչներից մեկի տան ուղղությամբ: Բարեբախտաբար չկա զոհ եւ վիրավոր:
Կրակոցներ այստեղ, կրակոցներ այնտեղ, վերջին շրջանում Հայաստանի լրահողը լի է այդօրինակ տեղեկատվությամբ: Կրակոցները, հրազենի գործադրմամբ հանցագործությունները եւ հաշիվերի պարզաբանո՞ւմն է ավելի հաճախակիացել Հայաստանում, թե՞ պարզապես լրահոսում են դրանք սկսել ավելի հաճախ հայտնվել, դժվար է ասել: Բայց ինչ որ պահից հետո այդ բոլոր կրակոցներն անկասկած ուղղված են անմիջականորեն ոստիկանապետ Վովա Գասպարյանի դեմ, քանի որ դրանք Հայաստանում ստեղծում են քրեածին իրավիճակի անվերահսկելիության տպավորություն:
Այդ առանձին տեղեկատվական հոսքից ընդհանուր եւ գլխավոր տպավորությունը թերեւս այն է, որ Հայաստանում ինչ որ տեղ «պատից կախված» է հրացան, որն անխուսափելիորեն կրակելու է: Ինչ որ մեկը ուզում է ստեղծե՞լ այդպիսի տպավորություն, թե՞ այն ինքնաբերաբար ստեղծվում է Հայաստանի վիճակից բխելով, որը կարող է պայմանավորված լինել թե սոցիալ-տնտեսական, սոցիալ-հոգեբանական բարդ իրավիճակով, թե նաեւ ներիշխանական հարաբերությունների պարզաբանման թեժ մթնոլորտով, երբ պետք է որոշվի իշխանության նոր ուժային հարաբերակցությունը 2018 թվականի ապրիլից հետո:

շարունակությունը՝ կայքում