Ամերիկյան Այովա նահանգի Անքենի քաղաքից Շելբի Մանյանին և նրա փեսացուն՝ Ջեյմս Քրոսքին, չէին պատկերացնում, որ շուտով երկվորյակ են ունենալու:
Շելբին դիմել է բժշկի՝ բողոքելով որովայնի հատվածում ցավերից:
Պարզվել է, որ նա ոչ միայն հղի է, այլև պետք է արագորեն կեսարյան հատմամբ ծննդաբերի:
«Ձախ կողմում ուժեղ ցավեր ունեի և գնացի բժշկի, ով ասաց, որ ես, ամենայն հավանականությամբ, հղի եմ: Նրանք ասացին, որ հղիության վեցերորդ ամսում եմ, և շտապ օգնություն կանչեցին:
Նրանք նաև ուլտրաձայնային հետազոտություն անցկացրեցին և ասացին, որ երկվորյակ եմ ունենալու», – պատմել է Շելբին:
Հղիության մասին չկասկածող Շելբին իր կրծքի տակ ոչ թե մեկ, այլ երկու երեխա է կրել՝ մոնոամնիոտիկ երկվորյակների:
Նման երեխաների մեծ մասը չի ապրում, քանի որ պորտերի միահյուսման արդյունքում շատերի մոտ լուրջ խնդիրներ են առաջանում:
Փոքրիկներին փրկելու համար բժիշկներն արագորեն կեսարյան հատում են կատարել:
Արդյունքում երկու աղջիկ է լույս աշխարհ եկել՝ Ավան և Աննան, յուրաքանչյուրը 1.9 կգ է կշռում:
Աղջիկների մոտ ամեն ինչ կարգին է, սակայն առաջիկա մի քանի շաբաթը նրանք ստիպված կլինեն հիվանդանոցում անցկացնել՝ ինտենսիվ թերապիայի բաժանմունքում:
«Սարսափում եմ անգամ պատկերացնել, թե ինչ խնդիրներ կարող են առաջանալ մոնո-մոնոերկվորյակների մոտ: Պարզապես հրաշք է, որ նրանց մոտ ամեն ինչ կարգին է», – ասել է Շելբին:
1
2
3
4
5
2
3
4
5
2
5
