Իվանկա Դենիսովան 30-ամյա փաստաբան է Բրատիսլավիայից: Առաջին հայացքից նա հաջողակ բիզնես-լեդի է, ով սիրում է լուսանկարվել: Սակայն իր բոլոր լուսանկարներում կարելի է նկատել մի բան. աղջիկը միշտ ծածկում է դեմքի մի կողմը կամ ձեռքով, կամ մազերով: Բանն այն է, որ Իվանկան ծնվել է Հոլդենխառի սինդրոմով. այս ախտանիշի դեպքում գանգոսկրերը մի կողմից մնում են չզարգացած: Դրա հետ մեկտեղ աղջկա դեմքի մի մասը նույնպես թերզարգացած է:
Բժիշկները աղջնակի ծնողներին վստահեցրել էին, որ այդ հիվանդությամբ աղջիկը հազիվ թե ապրի մինչև 12 տարեկան: Բայց Իվանկան ոչ միայն ողջ մնաց, այլ նաև իր օրինակով այսօր նա ոգեշնչում է հազարավոր մարդկանց:
Հիմա աղջիկը որոշել է դիմել վերականգնողական վիրաբուժության օգնությանը, ինչի շնորհիվ իր դեմքի երկու կողմերը ժամանակի ընթացքում կարող են միևնույն տեսքն ունենալ:
Սինդրոմը ազդեցություն է թողել նաև Իվանկայի առողջության վրա. աղջիկը շատ վատ է լսում աջ ականջով:
Սակայն այս խնդիրները չեն խանգարել Իվանկային հաջողակ և հայտնի մարդ դառնալու հարցում: Հիմա իր սոցիալական էջերում նա ծանոթանում է Հոլդենխարի հիվանդությամբ տառապող բազմաթիվ մարդկանց հետ, ոգեշնչում է նրանց իր համարձակ լուսանկարներով, անսովոր կերպարներով և ոչ ստանդարտ կեցվածքով:
Դանիսովան արդեն ենթարկվել է մի քանի պլաստիկ վիրահատությունների Չիկագոյում /ԱՄՆ/: Առջևում դեռ երկար ու բարդ ճանապարհ կա անցնելու, բայց Իվանկան պատրաստ է դիմակայել ցավին:
Շատերը, ում Իվանկան օգնել է, նրան համարում են երկնքից ուղարկված և էներգիայով լեցուն մարդ:
1
2
3
4
5
2
3
4
5
2
5
