Շատ դիետոլոգներ իրենց հաճախորդներին առաջարկում են սննդակարգի միևնույն ձևը հաշվի չառնելով, որ տարբեր մարդկանց օրգանիզմներում նյութափոխանակությունը տեղի է ունենում տարբեր կերպ:
EnterTrain-ը ներկայացնում է մետաբոլիկ ձևի վրա հիմնված դիետան, որն օգտակար կլինի բոլոր նրանց համար, ովքեր ցանկանում են նիհարել բնական ճանապարհով:
Այսօր մասնագետները հաճախ խոսում են 3 հիմնական մետաբոլիկ ձևերի մասին՝ սպիտակուցային, ածխաջրային և հավասարակշռված:
Դիետա նյութափոխանակության սպիտակուցային տիպի համար
Մետաբոլիզմի սպիտակուցային տիպ ունեցող մարդկանց մոտ գերակշռում է պարասիմպաթիկ նյարդային համակարգը:Բացի դրանից, նրանք տարբերվում են արագ օքսիդացմամբ:Նրանք միշտ քաղցած են, սիրում են աղի և յուղոտ կերակուր: «Սպիտակուցային» մարդիկ կամ անտարբեր են, կամ անհամբեր: Կիլոգրամներ հավաքելու պատճառը սովորաբար չափից շատ ուտելն է: Այս մարդկանց էներգիան շուտ է սպառվում, այդ իսկ պատճառով անընդմեջ ուտում են սովը հագեցնելու համար:
Օգտակար դիետա. այս տիպի մարդկանց հարմար է մեծ քանակությամբ սպիտակուցների և ճարպերի դիետան:
Խորհուրդ տրվող մթերքներ. հավի և տավարի լյարդ, մսով կարկանդակներ, բազմատեսակ ենթամթերքներ:
Դիետա նյութափոխանակության ածխաջրային տիպի համար
Մետաբոլիզմի ածխաջրային տիպ ունեցող մարդկանց մոտ գերակշռում է սիմպաթիկ նկարդային համակարգը, իսկ բջիջներում կատարվող գործընթացները բնորոշվում են դանդաղ օքսիդացմամբ: Նրանք լավ ախորժակ ունենում են չափազանց հազվադեպ,անգամ քաղցրավենիքի հանդեպ սեր չունեն: Նրանք հաճախ ունեննում են մարմնի A տիպի կառուցվածք (ճարպերը հավաքվում են մարմնի վերևի հատվածում) և կախվածություն ունեն կոֆեինից:
Օգտակար դիետա. ցանկացած բարձր ածխաջրային դիետա համադրված ճարպերի և թեթև սպիտակուցների քիչ քանակության հետ:
Խորհուրդ տրվող մթերքներ. ամբողջովին հացահատիկից պատրաստված հաց, դարչնագույն բրինձ, հնդկաձավար, թարմ և շոգեխաշած բանջարեղեն, մրգեր, ոչ ճարպոտ տավարի միս, հավ, ձուկ:
Դիետա նյութափոխանակության հավասարակշռված տիպի համար
Մետաբոլիզմի հավասարակշռված տիպ ունեցող մարդիկ ունեն բջիջների օքսիդացման միջին մակարդակ: Բացի այդ, նյարդային համակարգի ոչ մի բաժինը նրանց մոտ չի գերակշռում: Այսպիսի մարդիկ, որպես կանոն, ունեն սովորական ախորժակ, այդ իսկ պատճառով եթե ավելորդ քաշի հետ կապված կան խնդիրներ, ապա դրանք ծատ նծանակալի չեն: Նրանք սիրում են քաղցր ուտեստներ և մեծ քանակությամբ օսլա պարունակող մթերքներ: Այս տիպի մարդիկ հաճախ ունենում են ծանր հոգնածություն, անհանգստություն, հուզմունք:
Օգտակար դիետա. այս տիպի մարդկանց անհրաժեշտ է ածխաջրերի, ճարպերի և սպիտակուցների յուրահատուկ համադրությամբ դիետա՝ 40/30/30:
Հավասարակշռված մետաբոլիզմը համաչափ կարիք ունի սպիտակուցների, ճարպերի, ածխաջրերի:
Խորհուրդ տրվող մթերքներ. ձու, պինդ պանիր, յոգուրտ,արևածաղկի սերմեր, ընկույզներ:
1
2
3
4
5
2
4
5
2
4
