Իշխանությունը դրվել է աճուրդի. ո՞վ ավելի շատ կվճարի

1in.am / Տրամաբանական կլիներ, որ սահմանադրական փոփոխություններից հետո համապետական կարգավիճակ ունեցող միակ՝ խորհրդարանական ընտրություններն անցկացվեին այն բանից հետո, երբ երկիրն ամբողջովին անցում կատարած կլիներ խորհրդարանական կառավարմանը:

Իհարկե, պատրանք կլինի ենթադրել, որ իշխանությունները նոր կառավարման համակարգը կսկսեն նոր էջից, այսինքն՝ 2018-ի ապրիլից հետո կանցկացնեն ԱԺ նոր ընտրություններ: Եթե անկեղծ լինենք, չկա նման հանրային, քաղաքական պահանջ, բացի այդ, մեծ հավանականությամբ եթե այս պահին անցկացվեն խորհրդարանական նոր ընտրություններ, դրանք չեն փոխելու ներքաղաքական ստատուս քվոն, եթե չհաշվենք մի քանի «խմբագրումները», որոնք կարող են տեղի ունենալ իշխանության ներսում: Սակայն այդ «խմբագրումները» կարող են արվել առանց ընտրությունների, հետևաբար երկրի պետական սուղ միջոցները չարժե վատնել նոր ընտրությունների վրա:

Հայաստանի քաղաքական համակարգի ամբողջ ողբերգությունն այն է, որ նոր իշխանության ձևավորման գործընթացը տեղի է ունենում բացարձակապես ապաքաղաքական մթնոլորտում: Սերժ Սարգսյանի վարչապետության թեզը զարգացնող գործիչները խոսում են արտաքին մարտահրավերների, անվտանգության, ԼՂ խնդրի կարևորության մասին: Չենք վիճում՝ սա հենց այն օրակարգն է, որը, մեծ հաշվով, ձևավորում է հայաստանյան քաղաքականությունը:

շարունակությունը՝ կայքում