«Նման բան չէր եղել». ինչու են կտրուկ թանկացել ավիատոմսերը

Լրագիր / Հայաստանում ավիատմոսերի գներն այս փուլում կտրուկ թանկացել են: Ընդ որում, թանկացումը տեղի է ունեցել գրեթե բոլոր ուղղություններով: Lragir.am-ն ուսումնասիրելով ավիատոմսերի գներն ու հարցումներ անելով տուրիստական գործակալություններում, պարզեց, որ տարբեր ուղղություններով ավիատմոսերի գների գրեթե կրկնակի թանկացում է տեղի ունեցել:
Երևան-Մոսկվա ուղղության համար այս օրերին էկոնոմ կարգի տոմսերի գներն սկսում են 150 հազար դրամից՝ հասնելով մինչև 230 հազար դրամի: «Աէրոֆլոտ» ընկերության կողմից, օրինակ, օգոստոսի վերջի օրերի համար Երևան-Մոսկվա ուղղության էկոնոմ կարգի համար սահմանված է 166 հազար դրամից մինչև 220 հազար դրամ:
«Պոբեդա» ավիաընկերությունում, որը նախորդ տարվա նոյեմբերից է մուտք գործել հայաստանյան շուկա և հայտարարում էր, թե Երևան-Մոսկվա տոմսերը վաճառելու է սկսած 10 հազար դրամից, դարձյալ հնարավոր չէ էժան տոմսեր գտնել:
Այս ընկերության մուտքը հայաստանյան շուկա, հիշեցնենք, ազդարարվեց մեծ աղմուկով: Քաղաքավիացիայի վարչության պետ Սերգեյ Ավետիսյանն այն ժամանակ հայտարարել էր, որ ընկերության տոմսերի գներն սկսում են 999 ռուբլուց՝ մոտ 7500 դրամից: Նա ասել էր, որ այդ գնով «Պոբեդան» կսպասարկի նաև Հայաստանի բնակչությանը: Այսօր, սակայն, այս ավիաընկերության տոսմերի արժեքը 11-14 հազար ռուսական ռուբլու շրջանակներում են: Սեպտեմբերի կեսերից սկսած գների մի փոքր նվազում կա:

շարունակությունը՝ կայքում