«Փողոցային քոսոտ հանցագործներն իրենց պահում են «հայտնի» գանգստերների նման». երկաթուղում միջադեպի հետքերով
Հասարակություն«Երկաթուղային տրանսպորտի մասին օրենքում փոփոխություններ են կատարվել, որտեղ կա գլուխ՝ ծագած վեճերի կարգավորման կարգի մասին, որով նախատեսված է նախապահանջային կարգ։ Եթե «Հարավկովկասյան երկաթուղի» ընկերության գլխավոր տնօրենը խելամիտ ղեկավար լիներ և կոնկրետ հայերի նկատմամբ խտրական վերաբերմունք չցուցաբերեր, ապա դատարան դիմելու կարիք չէր առաջանա»,- «Առաջին լրատվական»-ի հետ զրույցում նշեց «Հարավկովկասյան երկաթուղի» ՓԲԸ իրավաբանական վարչության պետի նախկին տեղակալ Արսեն Մկրտչյանը՝ անդրադառնալով օրերս տեղի ունեցած միջադեպին։
Հիշեցնենք, որ օրերս «Հարավկովկասյան երկաթուղի» ընկերությունը մանկական տոմս է վաճառել Վրաստան հանգստի մեկնած ընտանիքին, մինչդեռ այդ տոմսերն անվճար պետք է տրվեն: Վրաստանի Ուռեկի քաղաք հանգստի մեկնած ընտանիքը փորձել է երկու մեծահասակի ու երկու երեխայի տոմս ձեռք բերել: Ուռեկիում տոմս գնելիս նրանց ասել են, որ իրենց հետ երեք տարեկան երկու երեխա կա և մանկական տոմս են խնդրել: Մանկական տոմսը մինչև հինգ տարեկան երեխաների համար անվճար է, որը հաստատում է նաև ընկերության տնօրինությունը: Եվ չնայած դրան, այս ընտանիքից գումար են գանձել՝ յուրաքանչյուր տոմսի համար մեծահասակի մեկ տոմսի կես գնի չափով: Այս գործով տուժածները շուտով դիմելու են դատարան։
Մեր զրուցակցի գնահատմամբ՝ սա փաստում է այն մասին, որ տվյալ ընկերության ղեկավարի պաշտոնում նշանակված է ոչ կոմպետենտ, ոչ պիտանի, ոչ արդյունավետ, անհասկացող անձնավորություն, որը իր ողջ ունակությունները, Արսեն Մկրտչյանի խոսքերով, կենտրոնացրել է միայն այն ուղղությամբ, որ Հայաստանի տարածքում երկաթուղի այլևս գոյություն չունենա։
«Հարավկովկասյան երկաթուղու այսօրվա գլխավոր տնօրենը կատարել է այնպիսի արարքներ, որոնք արժանի են քրեաիրավական գնահատականի, սակայն իմ սեփական փորձով համոզվել եմ, որ ՀՀ-ում գոյություն չունի այնպիսի մի քննչական մարմնի ղեկավար կամ քննիչ, որը Սերգեյ Վալկոյին կհրավիրի ոչ թե հարցաքննության, այլ խիզախություն կունենա անգամ հարցեր տալու, որովհետև այդ մարդուն տրված է արտոնյալ կարգավիճակ, ինչը պայմանավորված է ոչ թե նրանով, որ այս ընկերությունը ռուսական ծագում ունի, այլ այդպիսի օրինախախտները (նկատի ունի ՀԿԵ-ի ներկայիս գլխավոր տնօրեն Սերգեյ Վալկոյին-խմբագրական) ունեն հովանավորներ և ինչպես 1990-ական թվականներին գոյություն ունեին այսպիսի կառույցների «նայողներ», այնպես էլ հիմա ՀԿԵ-ն ունի այդպիսի «նայողներ», որոնք կիսաքրեածին բիզնեսային միջավայրի մարդիկ են»,- նշեց նա։
Իրավաբանն առաջարկում է նաև բոլոր այն քաղաքացիներին, ովքեր այս կամ այն կերպ տուժել են այս ընկերության գործունեությունից, չվախենալ և բարձրաձայնել դրա մասին, ընդհուպ դիմել մինչև դատական ատյանների։
«Մենք հասել ենք նրան, որ քոսոտ փողոցի հանցագործներին թույլ են տվել իրենց պահել ճանաչված գանգստերների պես, նկատի ունեմ Սերգեյ Վալկոյին ու իր շրջապատին»,- շեշտեց Մկրտչյանը։
1
2
3
4
5
1
3
4
5
3
