«Եթե Հովիկ Աբրահամյանի նման մաֆիոզը դուրս է շպրտվում քաղաքական համակարգից, դա շատ կարեւոր ազդակ է»
Քաղաքականություն
«Բնական է, որ երկրում առկա է ճգնաժամային իրավիճակ, եւ այդ որոշումները կապված են երկրում ստեղծված ճգնաժամային իրավիճակի հետ։ Այդ ամենը կապված էր թե՛ ապրիլյան պատերազմի, թե՛ «Սասնա ծռեր»-ի գործողությունների հետ»,- ասաց քաղաքագետը։ Նա հիշեցնում է, որ ՀՀ վարչապետի պաշտոնից հրաժարական տված Հովիկ Աբրահամյանը կարծում էր, թե ինքը շուտով երկրի տերն է դառնալու։
«Եթե Հովիկ Աբրահամյանի նման մաֆիոզ մարդը դուրս է շպրտվում քաղաքական համակարգից, ապա դա շատ կարեւոր ազդակ է, եւ այդ մասին պետք է լուրջ մտածել՝ ինչու՞ այդպես եղավ»,- ասաց Մանվել Սարգսյանը։
Ինչ վերաբերում է Կարեն Կարապետյանին, ապա Մանվել Սարգսյանը կարծում է, որ նրա նշանակումը չի կարող պայմանավորված լինել միայն ռուսական գործոնով։ Նա հիշեցնում է, որ վերջին ամիսներին մենք ականատես եղանք ԱՄՆ-ի կողմից լուրջ ճնշման՝ կոռուպցիայի դեմ պայքարի հարցում։
«ԱՄՆ-ն Հայաստանի առջեւ կոշտ պահանջ էր դնում, որ պետք է վերացվի կոռուպցիան։ Եվ կոռուպցիայի խորհրդանիշը Հայաստանում Սերժ Սարգսյանից հետո Հովիկ Աբրահամյանն է։ Հիմա իշխանությունները միգուցե որոշել են փոխել կառավարությունը, դուրս մղել մաֆիոզներին, բայց ՝ պրոռուսական կողմնորոշում ունեցող գործիչների միջոցով։ Գործող համակարգը փորձում է ինչ-որ կերպ փրկել իր դեմքը եւ այդ դեպքում ստիպված է դիմել զոհաբերությունների։ Իսկ այդ ամենը կապ չունի հանրային կամ պետական շահի հետ»,- ասաց Մանվել Սարգսյանը։
1
2
3
4
5
3
5
1
3
4
