ՀՀԿ անկեղծ խոստովանությունը. նրանց համար վատ էր լինելու

1in.am / Հայաստանը չուներ ԵԱՏՄ-ին այլընտրանք, և եթե լիներ այլ տեղում, կունենար ավելի լուրջ խնդիրներ՝ հայտարարում է խորհրդարանի ՀՀԿ խմբակցության ղեկավար Վահրամ Բաղդասարյանը:

Եթե ԵԱՏՄ-ին անդամակցելիս Հայաստանի իշխանությունը խոսում էր, այսպես ասած, առավելությունների մասին, ապա այժմ արդեն խոսքը «չարյաց փոքրագույնի» մասին է, այսինքն՝ այլևս փաստարկն այն չէ, որ լավ է լինելու, այլ այն, որ ավելի վատ կլիներ առանց ԵԱՏՄ-ի: Եվ սա դեռ այդ կառույցին անդամակցելուց երկու տարի անց: Եթե դինամիկան այդպես շարունակվի, ապա Հայաստանի իշխանության տրանսֆորմացիան ևս երկու տարի անց կհանգեցնի արդեն նրան, որ ԵԱՏՄ-ին անդամակցելը «չարյաց փոքրագույնից» կվերածվի «մեծագույնի», և կհայտարարվի, որ Հայաստանի համար չանդամակցելու դեպքում գոնե այդքան վատ չէր լինի:

Ամեն ինչ դեռ առջևում է, ՌԴ նկատմամբ տնտեսական պատժամիջոցներն ու ՌԴ միջազգային տնտեսաքաղաքական մեկուսացման գործընթացը նոր է թափ հավաքում և ԱՄՆ-ում ստանում արդեն օրենքի ուժ, որի հետևանքները դեռ զգացնել են տալու ԵԱՏՄ մասշտաբով, քանի որ այդ միավորումը գործնականում ռուսական նավթի ու գազի վրա հիմնված ակնկալիքների միավորում էր: Ռուսաստանում տեղի է ունենում գնողունակության նկատելի և շարունակվող անկում, այսինքն՝ 170 միլիոնանոց կոչվող շուկան իրականում նվազում է, և Հայաստանի տնտեսական վիճակագրական աճպարարությունը չի կարող փոխել իրական վիճակը: Հետևաբար անկասկած փոխվելու է Հայաստանի իշխանության գնահատականը ԵԱՏՄ-ին:

շարունակությունը՝ կայքում