Ինչից է վախենում Բաքուն

Լրագիր / Ադրբեջանական լրատվամիջոցները արշավ են սկսել համաշխարհային հանրությանն ու իրենք իրենց համոզելու, որ երկրում կան միջոցներ, որոնք կարող են խփել Հայաստանում տեղակայված Իսկանդերները:
Հայ քաղաքագետները չեն բացառում, որ Թուրքիային Ռուսաստանի վաճառելիք C-400 զենիթային համալիրները կարող են հայտնվել Ադրբեջանում, իսկ Բաքվի վերլուծաբաններն էլ հայտնում են, որ Թուրքիան անպայման կօգնի Ադրբեջանին:
Ընդ որում, ռուս ռազմական փորձագետները, որոնց կարծիքները շռայլորեն ներկայացվում են ադրբեջանական մամուլում, նշում են, որ C-400-ը հազիվ թե կարողանա Իսկանդեր խփել:
Ռուսական «Սպառազինությունների արտահանում» ամսագրի խմբագիր, Ռազմավարությունների եւ տեխնոլոգիաների վերլուծության կենտրոնի փորձագետ Անդրեյ Ֆրոլովը, օրինակ, ասում է, որ Իսկանդերի դեմ ավելի շուտ կարող են օգտագործվել ոչ թե ռուսական C 400-երը, այլ իսրայելական ՀՀՊ-ն, որը Բաքուն գնել է:
Ադրբեջանական լրատվամիջոցները նշում են, որ Հայաստանում խիստ մտահոգված են Թուրքիայում C 400-ի հայտնվելով (չնայած պայմանագիրը ստորագրված չէ, իսկ Ռուսաստանի դեմ ԱՄՆ պատժամիջոցներն այդ պայմանագիրը մեծ հարցականի տակ են դնում): Կարելի է նկատել, սակայն, Ադրբեջանում էլ ավելի շատ անհանգստացած են Հայաստանում Իսկանդերների առկայությամբ: Եվ վախենում են ոչ միայն Հայաստանից, այլեւ Ռուսաստանից:

շարունակությունը՝ կայքում