Երբեմն ամուսնալուծությունների պատճառը զույգերի անհամատեղելիությունն է լինում: EnterTrain-ը ներկայացնում է ամուսնական միությունների 7 տեսակ և հարաբերությունների զարգացման 7 տարբերակ:
1. Համատեղելիություն գլխի կատարի մակարդակի հիման վրա. գիտակցական ամուսնություն
Մեր օրերում նման ամուսնությունները շատ հազվադեպ են: Ցավոք, այսօր գիտակցությունը որոշիչ գործոն չէ ամուսնության համար: Պետք չէ շփոթել խելքը գիտակցության հետ. խելքը մարդկային գիտելիքի շտեմարանն է, իսկ գիտակցությունը ճիշտ որոշումներ ընդունելու ունակությունը: Գիտակցությունը և իմաստությունը մոտ հասկացություններ են:
Գիտակից մարդը գիտի իր կյանքի նպատակը, որին հասնելու համար նա ահռելի աշխատանք է տանում ինքն իր հետ: Վեդաների ժամանակաշրջանում ամուսնությունից առաջ երիտասարդները հատուկ պատրաստվածություն էին անցնում: Զբաղվելով ինքնազարգացմամբ՝ նրանք հասնում էին սեփական առաքելության գիտակցմանը: Այդ գործում նրանց օգնում էր նաև փորձառու ուսուցիչը: Կանայք հասկանում էին ընտանիքում իրենց հիմնական դերը և համեստ, խոնարհ պահվածքի առավելությունը, տղամարդիկ նույնպես ձեռք էին բերում ընտանիքը ճիշտ կառավարելու իմաստնություն:
Գիտակցական մակարդակում համատեղելի ամուսնությունները ամենաերջանիկ ամուսնություններն են: Դրանք հիմնված են մեծ սիրո վրա:
2. Ճակատի կենտրոնի մակարդակի վրա ծագած համատեղելիություն. խելացի ամուսնություն
Նման տիպի ամուսնությունները սովորաբար ամուր են լինում. չէ՞ որ հենց խելքն է կարգավորում զգացմունքները և մարմինը: Խելացիության համար պատասխանատու է ճակատի կենտրոնը:
Այդ մակարդակում ներդաշնակություն հաստատվելու դեպքում ամուսնական զույգի գլխավոր նպատակը դառնում է այս աշխարհում գտնվելու հիմնական իմաստի ընկալումը և մեղքերից ազատագրումը: Նման համատեղելիությունն անհնար է, եթե երիտասարդ զույգը չի դաստիարակել իր մեջ դրական հատկանիշներ: Շատ կարևոր է մինչև որոշակի տարիքը մաքրության պահպանությունը: Այդ ժամանակ նրանց միության մեջ հնարավոր է ներդաշնակություն խելքի մակարդակում: Երիտասարդ տղամարդը գիտակցում է, որ եկել է ամուսնանալու ժամանակը և իրեն զույգ է փնտրում: Նա գիտակցաբար ընտրում է բնավորության դրական հատկանիշներով օժտված աղջկա, ում չեն հետաքրքրում հակառակ սեռի մարդիկ: Երիտասարդները սիրահարվում են փոխադարձ հասկացողության հիման վրա:
3. Կոկորդային կենտրոնի մակարդակում ստեղծված համատեղելիություն՝ ստեղծագործ սեր
Կոկորդային կենտրոնը պատասխանատու է զգացմունքների համար: Հոգեբանական այդ կենտրոնի վրա հիմնված ներդաշնակ միության գլխավոր իմաստը զգացմունքների կառավարումն է: Այդ կենտրոնի մակարդակի վրա համատեղելիությունը հնարավոր է միայն այն դեպքում, երբ մարդիկ մաքրում են իրենց գիտակցությունը և ոգեղեն գիտելիք են ձեռք բերում: Նման համատեղելիություն սովորաբար առաջանում է երաժշտական, գեղարվեստական կամ դերասանական ունակություններով մարդկանց մոտ. նրանք սկսում են լրացնել միմյանց:
4. Սրտի կենտրոնի մակարդակում առաջացած համատեղելիություն՝ սրտով ամուսնություն
Սրտի կենտրոնը գտնվում է կրծքի կենտրոնական հատվածում և պատասխանատու է բարոյական աճի համար: Այդ մակարդակում ներդաշն զույգի համար ամուսնական կյանքի գլխավոր իմաստը բարոյական սկզբունքների պահպանումն է: Ամուսնության այդ տեսակի համար բնորոշ է փոխադարձ հարաբերությունների խորությունը: Նման ընտանիք ստեղծելու համար անհրաժեշտ է աշխատանք տանել սեփական անձի զարգացման ուղղությամբ: Այդ մակարդակում սովորաբար հարաբերությունները կառուցում է բացառապես կինը, և նա է որոշում շարունակել հարաբերությունները, թե ոչ: Տղամարդը հոգ է տանում ընտանիքի բարեկեցության մասին: Նման ամուսնություններում կանայք սովորաբար դիվանագետի դերում են:
5. Արեգակնային պսակի կենտրոնի մակարդակում հարաբերություններ
Այդ կենտրոնը պատասխանատու է բավարարվածության, ձգտումների, մարսողության համար: Այդ մակարդակում համատեղելիության դեպքում ամուսինների գլխավոր նպատակը հասարակության մեջ բարձր դիրք գրավելն է: Իշխանության ձգտող մարդիկ փորձում են իրենց կյանքի ուղեկցին գտնել գործնական հանդիպումների, հատուկ միջոցառումների ժամանակ: Կանայք համարում են, որ եթե իրենց ընտրյալը ունի ավտոմեքենա, տուն և լավ աշխատանք, անկասկած արժե ամուսնանալ. նա կապահովի իր բարձր դիրքը հասարակության մեջ: Նման ամուսնությունների ժամանակ զույգերը ապրում են սիրով և համերաշխ, քանի դեռ համատեղ ձգտումներ ունեն:
6. Պորտային մակարդակի համատեղելիություն. նյութական միություն
Պորտային կենտրոնը կապված է հանգստության և վախի հետ: Եթե ամուսինների միջև կապը հաստատվում է այդ մակարդակի վրա, ապա նրանց համատեղ կյանքի գլխավոր նպատակը դառնում է ամենահարմարավետ պայմանների ստեղծումը: Նրանց միավորում է ավտոմեքենա, տուն, թանկարժեք կահույք գնելու ցանկությունը: Կանայք իրենց համար հարուստ ամուսիններ են փնտրում, իսկ տղամարդիկ՝ ապահովված կանանց: Նման միությունները սկսում են երերալ դժվարությունների հանդիպելիս, քանի որ խելքի և գիտակացության մակարդակում նրանք համատեղելի չեն:
7. Գոտկատեղից ներքևի մակարդակի համատեղելիություն
Այդ կենտրոնը պատասխանատու է սեռական կյանքի և եսասիրության համար: Այդ տիպի հարաբերություններում բացակայում է հոգեկան կապը: Այդ մակարդակում շատ անհաջող ընտանիք է կազմավորվում, որովհետև համատեղ կյանքի մոտիվացիան միայն սեռական հետաքրքրություններն են:
1
2
3
4
5
1
3
4
5
2
