Սերժ Սարգսյանի ակնարկը

1in.am / Օգոստոսի 5-ին Իրան այցելելուց առաջ այդ երկրի լրատվամիջոցներին տված հարցազրույցում Սերժ Սարգսյանը հայտարարեց, որ Հայաստանը դեմ չէ Իրանի գազը իր տարածքով Եվրոպա տարանցելու նախագծին, եթե այն բավարարում է բոլոր կողմերի հետաքրքրությունները: Սարգսյանը հայտարարեց, որ այդ նախագիծը փորձագիտական քննարկումների փուլում է:

Երևանն այդպիսի բարձր մակարդակով առաջին անգամ է խոսում նման նախագծի մասին և գործնականում ճանաչում դրա գոյությունը: Իհարկե, Սերժ Սարգսյանը նաև ակնարկում էր, որ Երևանի համար այն դեռևս փորձագիտական օրակարգ է, ոչ թե քաղաքական: Եվ այստեղ, ըստ ամենայնի, նշմարվում է Սարգսյանի ակնարկը Իրանին ու Եվրոպային, որ բոլոր կողմերի հետաքրքրությունները բավարարելու մասին նրա հայտարարության տողատակում է:

Բանն այն է, որ այդօրինակ տարանցիկ նախագիծը անկասկած առաջացնելու է Ռուսաստանի դժգոհությունը: Միանալով այդպիսի նախագծի՝ Հայաստանը անկասկած խնդիր է ունենալու Ռուսաստանի հետ: Պատճառները չափազանց ակնհայտ են և կարծես թե չեն պահանջում առանձնապես փորձագիտական դիտարկումներ:

Սերժ Սարգսյանը, խոսելով բոլոր կողմերի հետաքրքրությունը բավարարելու մասին, ըստ երևույթին Իրանին ու Եվրոպային ակնարկում է, որ Երևանը պետք է իմանա Ռուսաստանի մոտ դժգոհություն առաջացնող այդպիսի քայլի գնալու գինը: Այսինքն՝ Սարգսյանն ըստ երևույթին ակնարկում է, որ եթե Երևանից ակնկալվում է կոնկրետ պատասխան, դիրքորոշում, ապա առաջարկն էլ ըստ ամենայնի պետք է լինի կոնկրետ, հստակ:

շարունակությունը՝ կայքում