Արաքս Մանսուրյանը դարձավ 71 տարեկան
Life
«Ամեն անգամ բեմ դուրս գալուց սիրտս խփում է՝ մտածում եմ, Աստված իմ, առաջին նոտան ինչպե՞ս պիտի հնչի, բայց հետո արդեն մտնում եմ այդ երաժշտության մեջ, և ես` ես չեմ, ես դառնում եմ այդ երաժշտության մասը»,- անկեղծանում է Արաքս Մանսուրյանը:
Հայ օպերային երգչուհին ծնվել է Բեյրութում: 1947-ին հայրենադարձել է։ Սովորել է Ռոմանոս Մելիքյանի անվան երաժշտական ուսումնարանում, ավարտել է Երևանի Կոմիտասի անվան պետական կոնսերվատորիան: 1977-1992 թթ.` Երևանի օպերայի և բալետի, 1992-ից` Սիդնեյի օպերային թատրոնների մեներգչուհի է:
«Ես դժվարությունից երբեք չեմ խուսափել, երբ դա վերաբերվել է արվեստին, երբեք պայքար չեմ ունեցել, որ գնամ առաջ, ամեն ինչ ինքնին է ստացվել: Կարծում եմ, իմ նվիրումը արվեստին տեսանելի է եղել շատերին և դա եղել է իմ հաջողությունների սկիզբը»,- հարցազրույցներից մեկի ժամանակ ասել է երգչուհին:
«Ամեն անգամ բեմ դուրս գալուց սիրտս խփում է». Արաքս Մասուրյանն այսօր նշում է 71-ամյակը
«Ամեն անգամ բեմ դուրս գալուց սիրտս խփում է». Արաքս Մասուրյանն այսօր նշում է 71-ամյակը
Արաքս Մանսուրյանն այժմ բնակվում է Ավստրալիայի Սիդնեյ քաղաքում և հանդիսանում է «Սիդնեյ Օպերա Հաուս»-ի մենակատար, ուր հանդես է գալիս բազմաթիվ դերերգերով. Լիու` «Տուրանդոտ», Աիդա` «Աիդա», Ֆլորիա Տոսկա` «Տոսկա», Դեզդեմոնա` «Օթելլո», Միմի` «Բոհեմ», Կատյա Կաբանովա` «Կատյա Կաբանովա», Սանտուցցա` «Գեղջկական ասպետություն», Ֆատա Միրգանա` «Սերն առ երեք նարինջներ», Էլիզաբեթ Վալուա` «Դոն Կարլոս» և այլն:
«Ինձ ողջ կյանքում թվացել է, թե հոգուս բազում կարոտներից կա մեկը` ժառանգականորեն հարազատ, արյունս տակնուվրա անող և հավիտենականորեն անհասանելի... Դժվարանում էի գտնել դրա ստույգ անվանումը, սակայն երբ Արաքս Մանսուրյանի կատարմամբ լսեցի հայ հոգևոր երգերը, հասկացա, որ ինձ հենց այդ էր պակասում՝ դարերից եկած հայ ոգեղենության ազնվական ու լուսավոր մարմնավորում»,- երգչուհու մասին ասել է Սերգեյ Փարաջանովը:
Արաքս Մանսուրյանը դասավանդում է Սիդնեյի կոնսերվատորիայում՝ օտարազգիներին ծանոթացնելով հայկական երգարվեստի հետ։ Նրա շնորհիվ բազմաթիվ օտարազգի երիտասարդ երգիչների երգացանկերում տեղ են գտել Կոմիտասի, Կանաչյանի, Մելիքյանի, Սպենդիարյանի և այլ հայ երաժիշտների ստեղծագործություններ։
1
2
3
4
5
2
3
5
2
5
