ԱՄՆ վերջնագիրը. Հայաստանը կանգնելու է անխուսափելի ընտրության առաջ

Լրագիր / Վրաստանում է ԱՄՆ փոխնախագահ Մայք Փենսը: Այցից առաջ Fox News-ին տված հարցազրույցում Փենսը ասել է, որ «Մեր ուղերձը բալթյան երկրներին, Վրաստանին և Մոնտենեգրոյին կլինի նույնը. այստեղ՝ Արևելյան Եվրոպայում մեր դաշնակիցներին մենք ասում ենք՝ մենք ձեզ հետ ենք հանուն ազատության»:
Վրաստանում տեղի են ունենում ՆԱՏՕ-ի Noble Partner 2017 լայնածավալ զորավարժություններ, որին մասնակցում են նաև Հայաստանի Զինված ուժերի ներկայացուցիչները: Վրաստանը եւ Մոնտենեգրոն, չնայած Ռուսաստանի դիմակայությանը, ՆԱՏՕ-ին ինտեգրվելու քաղաքականություն են որդեգրել: ԱՄՆ-ն հայտարարել է նրանց աջակցելու մասին:
Ավելի վաղ, նման հայտարարություն էր արել նաեւ Թրամփը, ասելով, որ ԱՄՆ-ն կպաշտպանի այն երկրներին, ովքեր կլինեն ԱՄՆ-ի կողքին: ԱՄՆ-ն չի հանձնում իր դաշնակիցներին: ԱՄՆ-ի եւ Իսրայելի միջեւ, օրինակ, բավական կոշտ խնդիրներ են լինում, տարաձայնություններ, սակայն ԱՄՆ-ն հայտարարել է, որ Իսրայելի հետ գործ ունեցողը գործ կունենա իր հետ: Ռուսաստանն, օրինակ, Հայաստանի պարագայում նման հայտարարություն չի արել, ավելին, փաստացի սնուցում է Ադրբեջանի ագրեսիան Հայաստանի դեմ:
Այս առումով, Մայք Փենսի հայտարարությունը ԱՄՆ քաղաքականության հավաստումն է: Այն ինչ որ առումով ուղերձ է նաեւ Հայաստանին, որը հավատարիմ մնալով պրո-ռուսական բլոկների առջեւ ստանձնած պարտավորություններին, փորձում է պահպանել հարաբերություններն Արեւմուտքի հետ:

շարունակությունը՝ կայքում