«Եւ խայտառակ կլինենք, եւ պատերազմ կստանանք»․ Արկադի Կարապետյան

«Լրագրի» զրուցակիցն է ԼՂՀ ինքնապաշտպանական մարտերի առաջին հրամանատար Արկադի Կարապետյանը․

Պարոն Կարապետյան, Թուրքիայի նախագահ Էրդողանը հայտարարել է, թե ռուսական C-400 համակարգերի մատակարարման փաստաթղթեր են ստորագրված և հույս ունեն, որ դրանք Թուրքիայում կլինեն, նաև դրանց ռուս-թուրքական արտադրություն կլինի։

C-400-ը զենիթային զենք է, այսինքն՝ դրանով իրենք որևէ մեկին չեն կարող խփել, միայն թռչող թիրախները՝ ինքնաթիռ, ուղղաթիռ և այլն։ Բայց դա նշանակում է, որ հետագայում, երբ անցնենք Թուրքիան գրավելուն, այդ իմաստով մեր գործը մի փոքր դժվարանալու է։ Սա տեխնիկական միջոց է, պաշտպանողական զենք է և շատ լավ զենք է։ Բայց դա իրենց չի օգնելու, միևնույն է, Թուրքիան քանդվելու է։
Բացի այդ, մենք ռուս-թուրքական մերձեցումից վտանգ կարող ենք տեսնել։ Մենք ունենք պատմական փորձ՝ 18-20 թվականների։ Պուտինը ուղիղ եթերի ժամանակ պատասխանում էր հարցերի, և շատ լավ պատասխանեց հարցին, թե ժամանակի մեքենա ունեք՝ ի՞նչ կանեք, հե՞տ, թե՞ առաջ կգնաք, պատասխանեց, որ հետաքրքիր է հետ գնանք տեսնենք ոնց ենք ապրելու, իսկ ապագայի համար ասաց, որ այդ մեքենան ստեղծողը մեր պատմությունն է։ Եվ հիմա մենք ունենք այդ պատմական փորձը, Ռուսաստանը զինեց Թուրքիային, որ Թուրքիան՝ քանդված պետությունը ոտքի կանգնեց, և Սովետի ժամանակ մեզ դասընթացներ էին տալիս և հեքիաթներ պատմում, որ իբր Թուրքիան հեղափոխություն է անում և այլն։ Այսինքն՝ Լենինի խաթր է անում։ Այդ Լենինն ինչքա՞ն միամիտ է եղել, որ Աթաթուրքը իրեն խաբել է։ Այսինքն՝ նրանք համաշխարհային մակարդակով համագործակցում էին։ Նույն բանն այսօր կարող է ուզենան անել, բայց այսօր ժամանակներն ուրիշ են, մենք մեր զոհողությունն արել ենք, մենք մերը վճարել ենք, ու հիմա չի ստացվի նույնն անել։

շարունակությունը՝ կայքում