EnterTrain-ը ներկայացնում է 26-ամյա Ժասմին Բրիթնիին: Սկզբում թվում է, թե նա Բարբի տիկնիկի մեծաթիվ երկրպագուներից, բայց իրականում ամեն ինչ ավելի բարդ է:
Հաշմանդամի սայլակը և կոկորդի խողովակն ուղղակիորեն խոսում են շիկահերի ծանր հիվանդության մասին: Անուշադիր ավտովարորդի պատճառով Ժասմինը երեխա ժամանակից գամված է հաշմանդամի սայլակին:
Սակայն Բարբիի կերպարի նկատմամբ նրա սերն աղջկան ապրելու ուժ է տալիս:
Ամեն օր Ժասմինն աշխատում է կատարյալ տեսք ունենալ: Դիմահարդարումը, հագուստը, դիզայներական կոշիկները, բարդ սանրվածքը կյանք են ավելացնում ինչպես նրա կերպարին, այնպես էլ՝ նրան:
Ցովոք, առանց կողմնակի օգնության գեղեցկուհին չի կարողանում հոգ տանել իր մասին: Նա պարանոցից մինչև մատների ծայրերը հաշմանդամ է, ընդհանրապես չի զգում իր մարմինը:
Փոքր ժամանակ Ժասմինի անունը Կատարինա Կոսկիրանտա էր: Նա շատ էր սիրում Բարբին և Spice Girls խմբին:
1998 թ. մարտի 7-ը Բրիթնին հավերժ կհիշի: Աղջիկը հիշում է, որ այդ օրը պարզապես ուզում էր տան մոտակա խանութ վազել՝ կոնֆետ գնելու:
Դրա համար նա պետք է միայն մեկ ճանապարհ անցներ: Ցավոք, հենց այնտեղ էլ պատահեց ողբերգությունը:
Աղջկան վրաերթի ենթարկած վարորդը ճանապարհին չէր հետևում, բջջային հեռախոսով տեքստ էր հավաքում: Ավելի ուշ ցուցմունք տալիս նա ասում էր, որ Կատարինային չափազանց ուշ էր նկատել: Մեքենայի հարվածից երեխան 23 մ շպրտվել էր:
12 ժամ աղջիկն անգիտակից էր: Երբ ուշքի եկավ, ծնողներն ուրախացան. ուղեղը չէր վնասվել:
Բայց ավելի ուշ պարզվեց, որ փոքրիկը ոտքերը և ձեռքերը չի զգում: Ողնաշարի անբուժելի կոտրվածքը փշրեց ծնողների հույսերը:
Բժիշկների խոսքով՝ աղջիկը հրաշքով փրկվեց: Այսօր նա ողջ է, իրեն զգում է իր վիճակի համար հնարավորինս լավ:
Աղջիկը չի կարողանում ինքնուրույն շնչել առանց կոկորդի խողովակի, կշռում է ընդամենը 36 կգ, նրա մարմնի չափերը համապատասխանում են 9-ամյա երեխայի չափերին: Այդ ամենն այն վնասվածքի հետևանքն է:
Այնուամենայնիվ, Բրիթնին չի հուսալքվում: Նա բարձրագույն կրթություն է ստանում, կարդում և գրում է շուրթերի մեջտեղում ամրացված հատուկ ձողիկով և հատուկ մոնիտորով: Աղջիկն ուզում է կոշիկի դիզայներ դառնալ:
1
2
3
4
5
4
5
2
4
