Իշխանության համակարգում սկսվել է բավականին ուշագրավ մի գործընթաց

Առաջին / Իշխանության համակարգում սկսվել է բավականին ուշագրավ մի գործընթաց այն բանից հետո, երբ խորհրդարանում հաստատվեց կառավարության ծրագիրը: Դրանից հետո սկսվել է կառավարության անվստահության շքերթ: Համենայնդեպս, իշխանության համակարգում հնչում է անվստահության արդեն երկրորդ հռչակագիրը, իհարկե՝ ոչ ուղղակի, սակայն խիստ թափանցիկ տողատակով:

Երեկ հայտարարություն է արել ՀՀԿ պատգամավոր Սամվել Ֆարմանյանը՝ ասելով, որ Հայաստանում, մեղմ ասած, կա ժողովրդագրական ճգնաժամ, և աղետից խուսափելու համար պետք է բոլոր ջանքերը ուղղվեն այն հանգուցալուծելուն: Ֆարմանյանի հայտարարություններում առանցքային է այն, որ նա առաջարկում է կառավարության գործունեության արդյունավետությունը չափել ոչ թե տնտեսական աճի ցուցանիշներով, այլ ժողովրդագրական միտումներով: Այսինքն՝ ՀՀԿ-ական պատգամավորը գործնականում առաջարկում է մի կողմ դնել կառավարության հաստատված ծրագիրը, քանի որ Հայաստանի գլխավոր խնդիրը ժողովրդագրական խնդիրն է: Անվիճելի է:

Այստեղ ուշագրավը տողատակերն են: Այսինքն՝ ստացվում է, որ Ֆարմանյանի գնահատմամբ՝ խորհրդարանում մեծամասնության հաստատած կառավարության ծրագիրը չի արտացոլում Հայաստանի գլխավոր խնդիրը: Ինչ է դա, եթե ոչ՝ անվստահություն կառավարությանն ու ծրագրին:

շարունակությունը՝ կայքում